پياز ماسكاسىنىڭ شاشقا پايداسى
بوياۋ مەن بۇيرالاۋ؛ اگرەسسيۆتى كەپتىرۋ مەن تۇزەتۋ؛ دارىلىك قۇرالدار قولدانۋ؛ ءجيى كۇيزەلىس؛ ەكولوگيالىق جاعىمسىز ورتا مەن دۇرىس تاماقتانباۋ؛ اعزاعا دارۋمەندەر، مينەرالدار جانە امين قىشقىلىنىڭ جەتىسپەۋى. ارينە، ەگەر شاش وتە كوپ تۇسسە، تريحولوگقا نەمەسە دەرماتولوگقا قارالعان ءجون. بۇل پروبلەمالاردى بىرتىندەپ شەشۋ كەرەك، ال شاشتى مىقتى ءارى بەرىك ەتۋ ءۇشىن ءارقاشان ءۇي ماسكالارى كومەكتەسكەن. سونىڭ ىشىندە، پيازدان جاسالعان ماسكالار ءتيىمدى اسەر ەتەدى. پيازدا دارۋمەندەر مەن مينەرالدار كوپ. ولار ءارقاشان بيولوگيالىق بەلسەندى كۇيدە بولادى. پياز ماسكاسى شاشتىڭ ءتۇسۋىن عانا توقتاتپايدى، سونىمەن قاتار ول ىلعالداندىرادى، قورەكتەندىرەدى، شاشتى وسىرەدى جانە جالتىراتادى. پيازدان جاسالعان ماسكالار جارنامالانعان سۋسابىندارعا قاراعاندا شاشقا جاقسى اسەر ەتەدى. سەبەبى، پيازدىڭ قۇرامىندا ناعىز ءتىرى كەراتين بار. مۇنداي ماسكالار كەز كەلگەن ءتيپتى شاشقا كەلە بەرەدى.
پياز ماسكالارىن ۋاقىتىلى قولدانۋ كەرەك. ونى اپتاسىنا 1-2 رەت جاساعان جارايدى. ەڭ قاراپايىم ءادىسى - باس جۋار الدىندا پيازدىڭ جاڭا سىعىلعان شىرىنىمەن باس تەرىسىن ۋقالاۋ كەرەك. شاش ءتۇسۋدى توقتاتۋ ءۇشىن پياز بوتقاسىن، بالدى، مايسانا مايىن 1 اس قاسىقتان 1 شيكى جۇمىرتقانىڭ سارىسىمەن ارالاستىرۋ كەرەك. بارلىعىن جاقسىلاپ ارالاستىرىپ، قوسپانى باس تەرىسىنە ۋقالاپ جاعادى. شاشىڭىزدى پاكەتپەن جانە ونىڭ سىرتىنان سۇلگىمەن وراۋ كەرەك. ونى 1 ساعات ۇستاپ، جۋىپ تاستايسىز. شاشتى قورەكتەندىرۋ ءۇشىن پيازدان دارۋمەندى ماسكا دايىنداۋعا بولادى. ول ءۇشىن 1 اس قاسىق پياز شىرىنىن جۇمىرتقانىڭ سارىسىمەن، 1 اس قاسىق مايسانا مەن وشاعان مايىمەن، 2-3 تامشى ليمون سۋىمەن ارالاستىرادى. قوسپانى باس تەرىسىنە جاعىپ، جارتى ساعاتتان سوڭ جۋىپ تاستايدى.
شاشتىڭ ءوسۋىن جىلدامداتۋ ءۇشىن 1 شاي قاسىق پياز شىرىنىن 1 اس قاسىق الوە شىرىنىمەن جانە 1 اس قاسىق بالمەن ارالاستىرادى. قوسپاعا 1 شيكى جۇمىرتقانىڭ سارىسىن قوسادى. قوسپانى باس تەرىسىنە جاعىپ، جارتى ساعاتتان سوڭ جۋىپ تاستايدى. قايىزعاقتان قۇتىلۋ ءۇشىن پياز شىرىنىن، مايسانا مايىن جانە اراقتى تەڭ ۇلەستە ارالاستىرىپ، قوسپانى باس تەرىسىنە ۋقالاپ جاعادى. ونى 1 ساعات ۇستاپ، جۋىپ تاستايدى. ەگەر شاشىڭىز مايلى بولسا، بۇل ماسكاعا ماي قوسپاي- اق قويۋعا بولادى. شاشتىڭ ادەمىلىگى ءۇشىن 1 ۇلكەن پيازدىڭ شىرىنىن سىعىپ الىپ، ونى تەڭ ۇلەستە ايرانمەن ارالاستىرۋ كەرەك. 40 مينۋت وتكەن سوڭ، قوسپانى جۋىپ تاستاۋ كەرەك.
پياز ءيىسىن قالاي كەتىرەمىز؟ پياز ماسكاسى جاقسى ءارى جىلدام كومەكتەسكەنمەن، ايەلدەردىڭ كوپشىلىگى ونىڭ ءيىسى ءۇشىن باس تارتادى. پيازدىڭ كۇشتى ءيىسى بولعانىمەن، ونىڭ شاشقا جىلدام ءسىڭۋى شاشتىڭ قۇرىلىمىنا بايلانىستى. ەگەر شاش وتە زاقىمدالعان، ياعني، فەن، ۇتىك نەمەسە بوياۋ كوپ قولدانعان شاش قۇرىلىمى بۇزىلعاندىقتان، ول وزىنە پياز شىرىنىن تەز ءسىڭىرىپ الادى. ونىڭ ءيىسىن كەتىرۋدىڭ ادىستەرى بار:
- الدىمەن پياز بوتقاسى ەمەس، تەك پياز شىرىنى قولدانىلاتىن ماسكالاردى پايدالانىپ كورىڭىز. شىرىن جىلدام جۋىلادى، سوندىقتان ءيىسى دە از بولادى؛
- شاشتى ىستىق سۋمەن جۋماڭىز، سەبەبى ول پياز ءيىسىن كۇشەيتەدى. سوندىقتان، سۋىق نەمەسە بولمە تەمپەراتۋراسىنداعى سۋمەن جۋىڭىز؛
- ماسكانى جۋىپ بولعان سوڭ، شاشتى مىندەتتى تۇردە شوپتەر قايناتپاسىمەن شايعان ءجون. مىسالى: قالاقاي، تۇيەجاپىراق، تۇيمەداق جانە ت. ب. قايناتپانى شاشتا 5 مينۋت ۇستاپ، سودان سوڭ قاراپايىم سۋمەن شايادى. قايناتپاعا ليمون سۋىنان قوسىپ جىبەرسە، يىستەن قۇتىلۋ وڭاي بولادى؛
- پياز ماسكاسىنا پىسكەن باناننىڭ جۇمساعىن قوسىپ، سودان سوڭ شاش شاياردا سۋعا تسيترۋستى (گرەيپفرۋت، اپەلسين، ليمون) ەفير مايلارىنان 1 ليترگە 3-4 تامشىدان قوسۋعا نەمەسە 1:1 قاتىناستا الما سىركە سۋى مەن قاراپايىم سۋدى ارالاستىرىپ، شايۋعا بولادى.
Massaget.kz
