بەلگىلى ايتىسكەر سارا توقتامىسوۆا فيلمدەر مەن بەينەبايانداردا جىگىتپەن ايمالاسۋدان ۇيالمايتىن قىزداردى سىناپ تاستادى
كادىمگى قازاقشا سايراپ تۇرعان قازاقتىڭ قىزى ءۇشىن قىسىلاسىڭ، دەيدى ايتىسكەر، دەپ جازادى Stan.kz.
سارا توقتامىسوۆانىڭ ايتۋىنشا، ول قازاق قىزدارىنىڭ بەينەباياندار مەن فيلمدەردە جىگىتتەرمەن اشىق ايمالاسۋدان قىمسىنبايتىنىنا قىنجىلادى ەكەن.
«بۇگىن تەلەديداردان ءبىر كليپتى كوزىم شالىپ قالدى. قازاقي ورتادا وسكەن، قازاقتىڭ قىزى ءار بەينەباياندا، ءار كينودا ءارتۇرلى ەركەكپەن بىرەسە جابىسىپ، بىرەسە ايمالاسىپ تۇسە بەرەدى.. جو- جوق ، جاي ءبىر يشارا تانىتىپ قۇشاقتاسقانداي بولىپ ءتۇسىپ جاتسا مەيلى. كادىمگىدەي جابىسىپ، ءوزىڭ ۇيالاسىڭ ءتىپتى... باسقاشا تاربيەلەنگەن جان بولسا، مەيلى عوي. ەەە، ورتا عوي دەيسىڭ. كادىمگى قازاقشا سايراپ تۇرعان قازاقتىڭ قىزى ءۇشىن قىسىلاسىڭ. سوسىن ويلاپ قويامىن، مىنانى كورگەن اكە- شەشەسى: «مىنە مەنىڭ قىزىم ونەرلى»، - دەپ كەۋدەسىن كوتەرىپ ، ماقتانىپ وتىرار ما ەكەن؟ الدە «وسىندايعا جولاپ نە كەرەگى بار؟ » - دەپ، ءسال دە بولسا كەيىس تانىتار ما ەكەن...
مۇمكىن ءبىز باسقاشا ويلايمىز با؟ ءدال مەنىڭ اكەم كورسە سونداي ونەرىمدى، ءتىپتى قانداي كۇيگە تۇسەرىن ەلەستەتۋ قيىن... جوق دەيمىن، كەيىن جىلدار وتەدى، كۇندەر وتەدى. ول كينو، بەينەبايان دەگەنىڭ ءبارى ارحيۆ قوي. ساقتالىپ قالادى دەگەندەي... سوندا كۇيەۋىمەن، بالا- شاعاسىمەن ەش قىسىلماي ءار جەردە اركىممەن جابىسىپ تۇرعانىن ءمىز باقپاي كورىپ وتىرا بەرەر مە ەكەن دەپ ويلانىپ قويامىن.. الدە ونداي كورىنىستەرگە كوزىمىزدە، كوڭىلىمىزدە ۇيرەنىپ بارا ما قالاي؟ ءبىر كەم دۇنيە...» ، - دەپ جازدى سارا توقتامىسوۆا Instagram-پاراقشاسىندا.
