جاڭازەلانديالىق فانات: ءولىم اۋزىندا جاتقاندا ديماشتىڭ ءانىن ەستىپ، باسىمدى كوتەردىم

اقتوبە قالاسىنا ديماش قۇدايبەرگەننىڭ ءبىر توپ فانتوپ جەتەكشىسى كەلدى. ولار انشىمەن وڭاشا كەزدەسىپ، ءوز ويلارىن ايتتى، كوكەيدە جۇرگەن سۇراعىن قويدى. ولاردىڭ اراسىندا انيتا راي ۋوردتىڭ تاعدىرى بولەك. جاڭا زەلەنديادان كەلگەن قاريا قاتەرلى ىسىك اۋرۋىنا شالدىققان. ارمانى ءۇشىن دەرتىنىڭ اۋىرلىعىنا قاراماي، ديماش قۇدايبەرگەنمەن كەزدەسۋ ءۇشىن اقتوبەگە كەلگەن. فانات قازاق ءتىلىن دە ۇيرەنىپ ءجۇر.

«بۇيرەكتىڭ قاتەرلى ىسىگىنە شالدىعىپ، ەكى رەت وتا جاساتقان ەدىم. ءتىپتى ومىردەن باز كەشىپ، توسەككە تاڭىلدىم. سول كەزدە يۋتۋبتان ديماش قۇدايبەرگەننىڭ وپەرا-2 ءانىن ەستىپ ەس جيدىم، باسىمدى كوتەردىم. قايتا تۇرىپ، ءومىر سۇرۋگە قۇشتارلىعىم ارتتى»، - دەدى زەينەتكەر انيتا راي ۋورد.

فانات ديماش قۇدايبەرگەننىڭ ءانىن 2017 - جىلدىڭ قىركۇيەگىندە العاش رەت تىڭداپ، ءۇش اي بويى بار ءانىن الەۋمەتتىك جەلىدەن قاراپ شىققان.

«ماعان 4 دەڭگەيلى بۇيرەكتىڭ قاتەرلى ىسىگى دەگەن دياگنوز قويدى. قيىن كەزدە ماعان كۇش پەن دەم بەرگەن جالعىز ديماش بولدى. وتكەن جىلى كۇزدە قىتايدا وتكەن كونسەرتىنە بارعىم كەلگەن. ءبىراق تۇراقتى ەم الىپ، ءدارى ءىشتىم. ءساتى وسى جولى ءتۇسىپ، اقتوبەنى كوردىم. بالكىم، بۇل مەنىڭ سوڭعى ساپارىم شىعار. ديماشتى كورىپ، شەكسىز قۋاندىم»، - دەدى فانات.

 ەسكە سالساق، ديماش قۇدايبەرگەن «باقىتتى بالا» بايقاۋىندا اقىلداستار القاسىندا وتىر. ەرتەڭ بايقاۋ قورىتىندىلانىپ، ديماش قۇدايبەرگەن گالا كونتسەرتتە ءان ايتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى