قازاقستان م م ا فەدەراتسياسىنا جاڭا پرەزيدەنت سايلاندى

شاراعا ەلىمىزدىڭ 13 وڭىرىندەگى م م ا فەدەراتسياسىنىڭ 30 باسشىسى مەن باپكەرلەرى قاتىستى. وندا فەدەراتسيانىڭ اتقارعان جۇمىستارى تۋرالى ەسەبى تىڭدالىپ، جاڭا جوسپارلار قۇرىلدى.

كۇن تارتىبىندە م م ا فەدەراتسياسىنىڭ پرەزيدەنتىن قايتا سايلاۋ ماسەلەسى قارالدى. وعان بۇرىنعى پرەزيدەنت اناتولي كيم باستاماشىلىق ەتتى.

«مەن بۇل قىزمەتكە نيەتتەسىم ءارى قىزمەتتەسىم، وسى فەدەراتسيا قۇرىلعان كەزدەن باستاپ ايانباي تەر توككەن اسىلبەك دۇيسەنوۆتى ۇسىنامىن. بۇگىن سىزدەر وعان داۋىس بەرىپ، قولداۋ كورسەتەسىزدەر دەپ ۇمىتتەنەمىن» ، - دەدى ول.

قاتىسۋشىلار اسىلبەك دۇيسەنوۆكە ءبىراۋىزدان داۋىس بەردى.

اسىلبەك دۇيسەنوۆ 1980 -جىلى 19 - اقپاندا اقمولا وبلىسى زەرەندى اۋدانىندا دۇنيەگە كەلگەن. جوعارى زاڭ جانە ەكونوميكالىق ءبىلىمى بار. 2016 -جىلى قازاق سپورت جانە تۋريزم اكادەمياسىن ءتامامداعان.

ول سپورتتىق قىزمەتىنەن بولەك، 15 -جىلدان بەرى قۇقىق قورعاۋ ورگاندارىنداعى قىزمەتىن قاتار الىپ كەتەدى. كيكبوكسينگتەن سپورت شەبەرىنە ۇمىتكەر جانە دجيۋ- دجيتسۋدان قازاقستان چەمپيونى. سونداي- اق، ترياتلونمەن بەلسەندى اينالىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى