قاراعاندىدا بالالار ارباسىنىڭ شەرۋى وتكىزىلدى
«بەسىك اربالار شەرۋىن جىل سايىن وتكىزەمىز. بيىل بەسىنشى رەت وتۋدە. قاتىسامىن دەۋشىلەردىڭ سانى جىل ساناپ ارتىپ كەلەدى. بۇگىن 16 وتباسىلىق جۇپ قاتىستى. وتكەن جىلدارى 10-12 قاتىسۋشىدان بولاتىن. جەڭىمپازعا كەنشىلەر مادەنيەت سارايىنىنىڭ اتىنان گران- پري جانە جاقسى سىيلىق تاعايىندايمىز» ، - دەدى كەنشىلەر مادەنيەت سارايىنىڭ مادەني- ويىن- ساۋىق ءبولىمىنىڭ باسشىسى سامال يستايەۆا.
شەرۋ قاتىسۋشىلارى ءۇشىن باستى تالاپ - بالاسىنىڭ بەسىك ارباسىن ەرەكشە بەزەندىرىپ، قىزىل كىلەممەن ءجۇرىپ ءوتۋى كەرەك.
«ءبىز شەرۋگە ەكىنشى رەت قاتىسىپ جاتىرمىز. الدىڭعى جىلى اربامىزدى سوفيا قۋىرشاعىنىڭ كەيپىندە بەزەندىرگەنبىز. بيىل جەدەل جاردەم كولىگىنە ۇقساتۋدى ۇيعاردىق. جولداسىم پەرزەنتحانادا جۇمىس ىستەيدى، سودان بولار، ۇزاق ويلانباي وسىنداي تاڭداۋ جاسادىق» ، - دەدى شەرۋگە قاتىسقان جىبەك قاناتوۆا.
