الماتىدا جولاۋشىلار جول اقىنى تەلەفون ارقىلى تولەيتىن بولدى
كارتا جۇيەسىندەگى جاڭالىقتارمەن «وڭاي راۋ» كومپانياسىنىڭ ديرەكتورى الەكساندر زايكين ءبولىستى. ونىڭ ايتۋىنشا، جاقىن ارادا وڭاي يەگەرلەرى جولاقىسىن ءموبيلدى قوسىمشا ارقىلى تولەيتىن بولادى
«بۇل ماسەلە بىرنەشە اي ۋاقىت الادى. بۇل جاڭالىق كارتاسىن ۇيىندە ۇمىتىپ كەتكەن ادامدار ءۇشىن ءتيىمدى بولادى. سونىمەن قاتار، جاقىن ارادا ۆيرتۋالدى كارتا جاساپ، پايدالانۋعا ەنگىزەمىز. ياعني، ادامدارعا پلاستيك كارتا ساتىپ الۋدىڭ قاجەتتىلىگى بولمايدى» ، - دەدى «وڭاي راۋ» ديرەكتورى الەكساندر زايكين.
بۇگىندە «وڭاي» قوسىمشاسى ارقىلى تەك كارتانى تولىقتىرىپ قانا قويماي، قوعامدىق كولىكتىڭ قوزعالىسىن باقىلاۋعا بولادى. سونىمەن قاتار، كارتا كينوعا بيلەت ساتىپ الۋعا مۇمكىندىك بەرەدى.
«ءبىز بيلەتتەردىڭ ونلاين ساتىلىمى سەرۆيستەرىمەن، ونلاين اپتەكا سەرۆيستەرىمەن ارىپتەستىك ورناتتىق. اتالعان سەرۆيستەر ارقىلى ءدارى- دارمەك نەمەسە بيلەت ساتىپ الىپ، وڭاي كارتاسىمەن ەسەپتەسۋگە بولادى» ، - دەدى ول.
قازاقستاندىق ماماندار تاجىريبەنى گونكونگتىق Octopus سمارت كارتاسى جۇيەسىنەن العان.
«قازىر Octopus سمارت كارتاسى ارقىلى ءبىرقاتار قىزمەتكە تولەم جاساۋعا بولادى. ونىڭ ىشىندە كولىك، تۇراق، سۋپەرماركەتتە ساۋدا، تاكسي، قىزمەتتەر مەن تاۋارلار ساتىپ الۋعا بولادى» ، - دەدى ا. زايكين.
قازىردىڭ وزىندە وڭاي كارتاسى ارقىلى «مەدەۋ» جانە «شىمبۇلاق» تاۋ شاڭعىسى، «كوك- توبە» پاركىنىڭ كاسسالارىندا، زووباق پەن دەلفينارييگە وڭاي كارتاسى ارقىلى تولەم جاساپ كىرۋگە بولادى.
ايتا كەتۋ كەرەك، وڭاي ءبىرىڭعاي تولەم جۇيەسى 2015 -جىلدىڭ 1 - قازانىنان باستاپ پايدالانۋعا ەنگىزىلگەن.
3 -جىلدا 1,8 ميلليون كارتا شىعارىلعان. كۇن سايىن 1 ميلليونعا جۋىق ادام اتالعان قىزمەتتى پايدالانادى.
