دانيار ەلەۋسىنوۆ: گولوۆكيننەن اسىپ تۇسكىم كەلەدى
«گولوۆكيندى قازاقستاندا كوپشىلىك تانيدى. الەمدە قازاقستان تۋرالى ايتساڭ، بىردەن GGG ەسكە تۇسەدى. بۇل دا مەنىڭ ماقساتتارىمنىڭ ءبىرى. مەن دە قازاقستان تۋرالى ايتىلعان جەردە اتىمنىڭ اتالعانىن قالايمىن. گولوۆكين ءبىزدىڭ ەلدەگى بارلىق سپورتشى ءۇشىن جول اشتى، مەن دە سونىڭ ىزىمەن ءجۇرۋدى قالايمىن»، - دەيدى بوكسشى.
«ءبىراق مەنىڭ جولىم باسقا، مەن ودان دا وزۋدى قالايمىن. مەن الەمنىڭ جەڭىلمەيتىن، ابسوليۋتتىك چەمپيونى بولۋدى ارماندايمىن. ەڭ الدىمەن، ەلىمنىڭ داڭقىن اسقاقتاتقىم كەلەدى، ول مەنىڭ باستى ماقساتىم»، - دەيدى د. ەلەۋسىنوۆ.
ەسكە سالا كەتەيىك، دانيار ەلەۋسىنوۆتىڭ كەلەسى قارسىلاسى 30 جاستاعى گابور گوربيچ (24-11، 14 ك و) بولادى. جارتىلاي ورتا سالماقتا وتەتىن كەزدەسۋ 6 راۋندقا سوزىلماق. بوكسشىلار 6 - ماۋسىم كۇنى لوندونداعى ( ۇلى بريتانيا) York Hall كەشەنىندە لوۋرەنس وكولي (8-0، 6 كو) - ليۋك ۋوتكينس (13-0، 9 ك و) كەزدەسۋىنىڭ اندەركارتىندا وتەدى.
