نۇرسۇلتان نازاربايەۆ: شاعىن ۋنيۆەرسيتەتتەر اتاقتى قاز ۇ ۋ-دان قالاي وزىپ كەتتى
استانادا پرەزيدەنت نۇرسۇلتان نازاربايەۆتىڭ قاتىسۋىمەن ءوتىپ جاتقان «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىندا ءال-فارابي اتىنداعى قاز ۇ ۋ پرورەكتورى شولپان جامانبالايەۆا ءسوز سويلەدى
«ج و و-لار «رۋحاني جاڭعىرۋ» باعدارلاماسىنا العاشقىلاردىڭ ءبىرى بولىپ كىرىستى. ۋنيۆەرسيتەتتەر قوعامدىق سانانىڭ جاڭعىرۋىندا درايۆەر بولا ءبىلۋى كەرەك. ءبىز تەك كەلەشەكتەگى مامانداردىڭ كاسىبي بىلىكتىلىگىن ارتتىرۋمەن شەكتەلمەي، ولاردى ەلدىڭ پاتريوتى رەتىندە تاربيەلەپ جاتىرمىز. سوندىقتان، ءبىزدىڭ ۋنيۆەرسيتەت ارنايى مودەل جاساپ شىعاردى»، - دەدى شولپان جامانبالايەۆا.
ونىڭ ايتۋىنشا، ءال-فارابي اتىنداعى قازاق ۇلتتىق ۋنيۆەرسيتەتىندە جاھاندىق باسەكەگە قابىلەتتىلىككە جارايتىن ماماندار ءبىلىم الىپ جاتىر. سونداي وقۋ ورنىندا سيفرلىق كىتاپحانا جۇمىس ىستەيدى. «قازاق تىلىندەگى 100 جاڭا وقۋلىق» باعدارلاماسى اياسىندا دا ۋنيۆەرسيتەتتىڭ وقىتۋشىلارى بەلسەنە اتسالىسقان. سونداي-اق، اتالمىش ۋنيۆەرسيتەتتىڭ ستۋدەنتتەرى ءۇشىن 1280 ورىندىق جاتاقحانانىڭ قۇرىلىسى جۇرگىزىلۋدە.
پرورەكتوردىڭ ءسوزىن تىڭداعان پرەزيدەنت نۇرسۇلتان نازاربايەۆ ءال-فارابي اتىنداعى قاز ۇ ۋ ءاردايىم ج و و-لاردىڭ الدىڭعى قاتارىندا ءجۇرۋى كەرەكتىگىن اتاپ ءوتتى.
«سىزدەردىڭ ۋنيۆەرسيتەتتەرىڭىز ءاردايىم ءنومىرى ءبىرىنشى بولاتىن. مىنە، قازىرگى ۋاقىتتا ول وسى بيىككە ساي بولۋى كەرەك. كەيبىر پوزيتسيا بويىنشا قالىپ كەلەدى. اسىرەسە، زاماناۋي وقىتۋ، IT- تەحنولوگيالار مەن سيفرلاندىرۋ تۇرعىسىندا رەيتينگ جۇرگىزگەنىمىزدە، جەكە شاعىن ۋنيۆەرسيتەتتەر قاز ۇ ۋ- دان وزىپ كەتتى. وكىنىشتى. سوندىقتان، ءسىزدىڭ قازىر ايتىپ وتىرعانىڭىز وتە قاناتتاندىرادى. شىنىندا دا، بارلىعى جوعارى وقۋ ورىندارىنان باستالۋى كەرەك. سولاي عوي. رەكتور وسى باعىتتا مەندە بولعان. بۇكىل ۋنيۆەرسيتەت ۇلگى كورسەتە ءبىلۋى ءتيىس. باعدارلامانى قولداڭىزدار، ال ءبىز سىزدەردى قولدايتىن بولامىز»، - دەدى نۇرسۇلتان نازاربايەۆ.
ەسكە سالا كەتسەك، استانادا بۇگىن قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسى ءوتىپ جاتىر. شارا بارىسىندا «نۇر وتان» پارتياسىن جۇيەلى تۇردە جاڭعىرتۋ بويىنشا جۇمىس بارىسى تالقىلانىپ، قازاقستان پرەزيدەنتىنىڭ بەس الەۋمەتتىك باستاماسىن جۇزەگە اسىرۋ باعىتىندا قوعامدىق باقىلاۋدى ۇيىمداستىرۋ ماسەلەلەرى قارالۋدا.
