نۇر وتاننىڭ بۇگىنگى ساياسي كەڭەسىندە قانداي ماسەلەلەر تالقىلانۋدا
«نۇر وتان» پارتياسى ساياسي كەڭەسىنىڭ بۇگىنگى وتىرىسىندا ەكى ماسەلە قارالادى. ءبىرىنشىسى - «نۇر وتان» پارتياسىنىڭ جۇيەلى تۇردە جاڭعىرۋى. كۇزدەگى اڭگىمەلەسۋىمىزدە بەرگەن مەنىڭ تاپسىرمالارىم بار بولاتىن. ەكىنشىسى - پرەزيدەنتتىڭ بەس الەۋمەتتىك باستاماسىن جۇزەگە اسىرۋ، قوعامدىق باقىلاۋ، قالاي ءوتىپ جاتقانىن قاراۋ ماسەلەسى. مەنىڭ باستامالارىم جاريالانعاننان كەيىن پارتياعا بۇل مىندەت جۇكتەلگەنىن وزدەرىڭىز بىلەسىزدەر»، - دەپ اتاپ ءوتتى وتىرىستى اشقان ەلباسى.
مەملەكەت باسشىسىنىڭ ايتۋىنشا، كەڭەيتىلگەن وتىرىسقا ساياسي كەڭەستىڭ بارلىق مۇشەلەرى، ءبىرقاتار مەملەكەتتىك ورگاننىڭ باسشىلارى، پارتيا اپپاراتىنىڭ وكىلدەرى قاتىسۋدا. سونىمەن قاتار «نۇر وتان» پارتياسىنىڭ وبلىستىق فيليالدارى، وڭىرلىك اكتيۆتەرى دە بەينەكونفەرەنسيا ارقىلى جيىنعا قوسىلعان.
«بۇل دۇرىس. ولار بارلىعىن ەستۋلەرى قاجەت. ويتكەنى بۇل بارلىعىمىزعا ورتاق مىندەتتەر. بىلتىرعى جىلدىڭ قاراشاسىندا وتكەن ساياسي كەڭەس وتىرىسىندا پارتيا قىزمەتىن وزەكتەندىرۋ، ياعني ونى جاڭعىرتۋ بويىنشا ءبىرقاتار ناقتى تاپسىرما بەرگەن بولاتىنمىن. ءبىز پارتيا جالپىۇلتتىق كۇن ءتارتىپتى قالىپتاستىرۋعا دا بەلسەندى قاتىسۋى تيىستىگىن ايتتىق. ول جاڭعىرتۋدىڭ باستى قوزعاۋشى كۇشىنىڭ بىرىنە اينالۋى ءتيىس. سونىمەن قاتار پارتيانىڭ وزىندە عانا ەمەس، ەلدە دە كادرلىق رەزەرۆپەن ماقساتتى جۇمىستاردى جولعا قويۋ تاپسىرىلدى. ءبىز بۇل كەزەڭدە پارتيا مۇشەلەرىنىڭ سانىنا ەمەس ساپاسىنا باسىمدىق بەرۋ قاجەتتىگىن ايتتىق. ءبىزدىڭ جۇمىسىمىزدا جاڭا ساياسي تەحنولوگيالاردى بەلسەندى پايدالانۋ مىندەتى قويىلدى. «جاس وتان» الدىنا بارلىق جاستار ۇيىمىنىڭ ينتەگراتورىنا اينالۋ مىندەتى جۇكتەلدى. تاياۋدا وتكەن «جاس وتان» سەزى جاستارىمىزدىڭ وتە بەلسەندى ەكەندىگىن جانە مەملەكەت ىسىنە ارالاسۋدى قالايتىندىعىن كورسەتىپ بەردى. سونداي-اق مەن پارتيالىق ءبىلىمدى ساراپتامالىق زەرتتەۋ ماسەلەسىمەن بايىپتى اينالىسۋدى تاپسىرعان ەدىم»، - دەدى نۇرسۇلتان نازاربايەۆ.
ق ر پرەزيدەنتى بۇل تاپسىرمالاردىڭ بارلىق تۇپكى ءمانى «نۇر وتاننىڭ» ەلدەگى كوشباسشى ساياسي كۇش رەتىندە پوزيتسياسىن ودان ارى نىعايتۋ ەكەندىگىن باسا ايتتى.
«بۇعان قوسا، وسى جىلدىڭ ناۋرىزىندا مەن پرەزيدەنتتىك بەس باستامانى جاريا ەتتىم. بۇل ءاربىر قازاقستاندىقتىڭ ءومىرىن جاقسارتاتىن الەۋمەتتىك باعدارلاما. ونى جۇزەگە اسىرۋ ءۇشىن قاجەتتى بارلىق زاڭنامالىق بازانى پارلامەنت قابىلداعانى بەلگىلى. بۇل باعىتتا ءبىزدىڭ پارتيامىزدىڭ پارلامەنتتىك فراكتسياسى ۇلكەن جۇمىس اتقاردى. پارتياعا قازاقستان حالقى اسسامبلەياسىمەن بىرگە وسى باستامالاردىڭ جۇزەگە اسىرىلۋىنا قوعامدىق باقىلاۋدى جۇزەگە اسىرۋدى تاپسىردىم»، - دەدى مەملەكەت باسشىسى.
