قازاقستاننىڭ كەي جەرلەرىندە ۇسىك جۇرەدى - سارسەنبىگە ارنالعان اۋا رايى بولجامى
اتموسفەرالىق اۋا اعىندارىنىڭ وتۋىنە بايلانىستى قازاقستاننىڭ باسىم بولىگىندە جاڭبىر، نايزاعاي، داۋىل بولىپ، جەلدىڭ كۇشەيۋى، شاڭدى داۋىل، تۇمان، بۇرشاق جاۋۋى مۇمكىن. تەك باتىستا جانە وڭتۇستىك- باتىستا جاۋىن- شاشىنسىز اۋا رايى كۇتىلەدى.
قاراعاندى، سولتۇسىك قازاقستان، اقمولا، شىعىس قازاقستان، وڭتۇستىك قازاقستان، پاۆلودار وبلىستارىنىڭ تۇندە كەي جەرلەرىندە، كۇندىز باسىم بولىگىندە جەلدىڭ جىلدامدىعى 15-20، كەي جەرلەردە 23-28 م/س كۇشەيەدى.
قاراعاندى، شىعىس قازاقستان وبلىستارىندا كۇندىز كەي جەرلەردە ەكپىنى 30 م/س جانە ودان جوعارى، قاراعاندى، شىعىس قازاقستان، وڭتۇستىك قازاقستان، اقمولا وبلىستارىندا كەي جەرلەردە داۋىل، بۇرشاق جاۋۋى مۇمكىن.
جامبىل وبلىسىنىڭ كەي جەرلەرىندە جەل 15-20، ەكپىنى 23-28, وبلىستىڭ وڭتۇستىك- باتىسىندا 30 م/س جانە ودان دا اسا كۇتىلەدى.
قىزىلوردا وبلىسىندا جەلدىڭ جىلدامدىعى 15-20، كەي جەرلەردە 23-28 م/س، ەكپىنى 30 م/س كۇتىلەدى، داۋىل، شاڭدى داۋىل كۇتىلەدى.
اقتوبە، كۇندىز باتىس قازاقستان وبلىستارىنىڭ كەي جەرلەرىندە جەل 15-20 م/س بولادى، قوستاناي وبلىسىنىڭ كەي جەرلەردە داۋىل بولىپ، بۇرشاق جاۋۋى مۇمكىن.
الماتى وبلىسىنىڭ كەي جەرلەرىندە جەلدىڭ جىلدامدىعى 18-23, ەكپىنى 28 م/س كۇشەيۋى كۇتىلەدى. ماڭعىستاۋ وبلىسىندا تۇندە جانە تاڭەرتەڭ تۇمان كۇتىلەدى. قوستاناي وبلىسىنىڭ كەي جەرلەرىندە جەل 15-20 م/س جەتەدى، سونداي-اق داۋىل، بۇرشاق جاۋۋى مۇمكىن.
قوستاناي، سولتۇستىك قازاقستان وبلىستارىنىڭ كەي جەرلەرىندە 3 گرادۋسكا دەيىن ۇسىك كۇتىلەدى. ماڭعىستاۋ وبلىسىنىڭ كەي جەرلەرىندە وتە جوعارى ءورت قاۋىپى كۇتىلەدى.
