ەلجان ءبىرتانوۆ جەنيەۆادا دۇنيەجۇزىلىك دەنساۋلىق ساقتاۋ اسسامبلەياسىندا ءسوز سويلەدى
اسسامبلەيا بارىسىندا الماتى دەكلاراتسياسىنىڭ 40 جىلدىعىنا ورايلاستىرىلعان مەديتسينالىق- سانيتارلىق العاشقى كومەك بويىنشا د د ۇ جاھاندىق كونفەرەنسياسىن وتكىزۋ ماسەلەلەرى تالقىلاندى. شارا 2018 -جىلعى 25-26 - قازاندا استانادا وتەدى. سونىمەن بىرگە، د د ا-71 اياسىندا ت م د ەلدەرىنىڭ دەنساۋلىق ساقتاۋ سالاسىنداعى ىنتىماقتاستىقتى نىعايتۋ، ۇزدىك تاجىريبە الماسۋ ماسەلەلەرى بويىنشا ت م د ەلدەرىنىڭ دەنساۋلىق ساقتاۋ مينيسترلەرىنىڭ كەڭەسى ءوتتى. ەلدەردىڭ د د ا-71 باعدارلاماسىنىڭ نەگىزگى باعىتتارى بويىنشا ۇستانىمدارى، سونداي- اق الەمدە م س ا ك- تى دامىتۋداعى الماتى دەكلاراتسياسىنىڭ ءرولى تالقىلاندى.
190-نان استام ەلدىڭ دەلەگاتسيالارىنىڭ الدىنداعى بايانداماسىندا د د ۇ باس ديرەكتورى، دوكتور تەدروس گەبرەيەسۋس د د ۇ جاھاندىق كونفەرەنسياسىن وتكىزۋدىڭ ماڭىزدىلىعىن اتاپ ءوتتى.
«جاھاندىق كونفەرەنسيا 1978 -جىلعى الماتى دەكلاراتسياسىنىڭ نەگىزگى ەرەجەلەرىن ودان ءارى ىسكە اسىرۋ بويىنشا د د ۇ- عا قاتىسۋشى ەلدەردىڭ ساياسي ەركىندىگىن جاڭارتۋعا كومەكتەسەدى»، - دەدى تەدروس گەبرەيەسۋس.
ايتا كەتۋ كەرەك، ق ر دەنساۋلىق ساقتاۋ ءمينيسترى ەلجان ءبىرتانوۆ قازاقستان وكىلى رەتىندە العاش رەت د د ا-71 ءتوراعاسىنىڭ ورىنباسارى بولىپ سايلاندى.
«2018 -جىلعى 25-26 - قازاندا استانا قالاسىندا م س ا ك بويىنشا جاھاندىق كونفەرەنسيا الاڭىندا مەديتسينالىق العاشقى كومەكتىڭ بولاشاعىنا كوزقاراستى جاڭادان قايتا پايىمداۋ اسا ماڭىزدى»، - دەدى ق ر دەنساۋلىق ساقتاۋ ءمينيسترى ەلجان ءبىرتانوۆ ءوز بايانداماسىندا.
ءوز كەزەگىندە، ت م د ەلدەرى دەلەگاتسيالارىنىڭ باسشىلارى مەديتسينالىق كومەكتىڭ ساپاسىن ارتتىرۋ، دەنساۋلىق ساقتاۋدى سيفرلاندىرۋ سالاسىنداعى يدەيالار مەن تاجىريبە الماسۋعا جانە تمد ازاماتتارى ءۇشىن ت م د ىشىندە جۇمىس ورنىن اۋىستىرۋ جانە تۇرۋ كەزىندە كورسەتىلگەن مەديتسينالىق كومەك تۋرالى دەرەكتەردى الماسۋعا مۇددەلىلىك تانىتتى.
سونىمەن قاتار، اسسامبلەيانىڭ اشىلۋ قارساڭىندا جەنيەۆا قالاسىنداعى د د ۇ شتاب- پاتەرىنىڭ بازاسىندا ق ر دەنساۋلىق ساقتاۋ ءمينيسترى ەلجان ءبىرتانوۆ د د ۇ- نىڭ باس ديرەكتورى، دوكتور تەدروس گەبرەيەسۋسپەن كەزدەستى.
تاراپتار كونفەرەنسيانىڭ قورىتىندى قۇجاتىن - زاماناۋي سىن- تەگەۋرىندەرگە سايكەس كەلەتىن م س ا ك بويىنشا جاڭا دۇنيەجۇزىلىك دەكلاراتسيانى قابىلداۋ جونىندەگى قازاقستاننىڭ باستاماسىن جانە د د ۇ مەن يۋنيسەف- ءتىڭ جاھاندىق كونفەرەنسياسىنا دايىندىق ماسەلەلەرىن تالقىلادى. مينيستر ە. ءبىرتانوۆ ق ر مەن د د ۇ اراسىنداعى قارقىندى جانە تابىستى ارىپتەستىك ىنتىماقتاستىق ءۇشىن دوكتور گەبرەيەسۋسكە العىسىن ءبىلدىردى. ءوز كەزەگىندە دوكتور گەبرەيەسۋس قازاقستاننىڭ بارلىق ۇسىنعان باستامالارىن قولداپ، جاھاندىق كونفەرەنسيانى وتكىزۋگە دايىندىق بارىسىنا تابىس تىلەدى.
