ىستامبۇلدا گازا سەكتورىنداعى وقيعاعا بايلانىستى ي ى ۇ- نىڭ كەزەكتەن تىس ءسامميتى ءوتۋى مۇمكىن

 وسى ەلدىڭ پرەمەر- ءمينيسترى بينالي يىلدىرىم بانگلادەش، ماروككو، پاكىستان، كاتار مەن ءالجيردىڭ ۇكىمەت جەتەكشىلەرىنە حابارلاسىپ، القالى جيىنعا قاتىسۋعا شاقىردى.

تۇركيا پرەمەر- ءمينيسترى يزرايلدىڭ ارەكەتىن قاتاڭ سىنعا الىپ، مۇسىلمان ەلدەرىن زۇلىمدىققا قارسى بىرىگۋگە ۇندەۋ تاستادى دەپ حابارلايدى ارنامىزدىڭ مەنشىكتى ءتىلشىسى ەرجان ءجۇنىس.

 اتاپ ءوتۋ كەرەك، يەرۋساليمدە ا ق ش ەلشىلىگىنىڭ اشىلۋىنا قارسى پالەستينالىقتار جاپپاي ەرەۋىلگە شىعىپ، ونىڭ سوڭى قاقتىعىسقا ۇلاستى. سوڭعى اقپارات بويىنشا، يزرايل اسكەريلەرىنىڭ قولىنان قازا تاپقان پالەستينالىقتاردىڭ سانى 61-گە جەتىپ، 3 مىڭعا جۋىق بەيبىت تۇرعىن جارالانعان. گازا ايماعىنداعى وقيعا بويىنشا كۋۆەيتتىڭ باستاماسىمەن ب ۇ ۇ قاۋىپسىزدىك كەڭەسىندە دە جيىن وتەدى. وندا پالەستينا حالقىنىڭ قۇقىعىن قورعاۋ جونىندە ماسەلە تالقىلانادى دەپ جوسپارلانىپ وتىر.

بينالي يىلدىرىم، تۇركيا رەسپۋبليكاسىنىڭ پرەمەر- ءمينيسترى:

- بارلىق ءدىني توپتاردى جانە بۇكىل ساياساتكەرلەردى زۇلىمدىققا قارسى بىرىگۋگە شاقىرامىن. مۇسىلمان ەلدەرى يزرايلمەن بايلانىستارىن قايتا قاراۋى كەرەك. يسلام الەمى بۇل جاپپاي قىرعىنعا قارسى بىرلەسىپ، ءۇن قاتۋى ءتيىس.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى