سولتۇستىك كورەيانىڭ نارازىلىعىنا قاراماستان وڭتۇستىك كورەيا مەن ا ق ش اسكەري جاتتىعۋلار وتكىزەدى
بۇل جايلى جاتتىعۋلارعا نارازىلىق بىلدىرگەن سولتۇستىك كورەيا وڭتۇستىكتەگى كورشىسىمەن ءوتۋى ءتيىس جوعارى دەڭگەيلى كەلىسسوزدەردىڭ بولمايتىنىن جاريالاعان سوڭ ءمالىم ەتىلگەن.
ەكى اپتاعا جوسپارلانعان اۋقىمدى Max Thunder جاتتىعۋلارى 11 - مامىردا باستالعان ەدى. وعان شامامەن 100 اسكەري ۇشاق، سونىڭ ىشىندە سەگىز F-22 جويعىش ۇشاعى، بىرنەشە F-15K جانە F-16 ۇشاقتارى جۇمىلدىرىلعان.
«جاتتىعۋلار جوسپارعا ساي ءوتىپ جاتىر. وڭتۇستىك كورەيا مەن ا ق ش- تىڭ وسى ماسەلەدەگى ۇستانىمدارى سايكەس كەلەدى»، - دەلىنگەن كورەيا رەسپۋبليكاسى قورعانىس مينيسترلىگىنىڭ مالىمدەمەسىندە.
وڭتۇستىك كورەيا مەن ا ق ش قورعانىس ۆەدومستۆولارىنىڭ وكىلدەرى رەسمي پحەنياننىڭ سارسەنبىدە ءوتۋى ءتيىس كورەي ارالىق كەلىسسوزدەردىڭ بولمايتىنى تۋرالى كەنەت قابىلداعان شەشىمىن تالقىلاۋ ءۇشىن شۇعىل وتىرىس وتكىزدى.
ءوز كەزەگىندە، سولتۇستىك كورەيا ورتالىق اقپارات اگەنتتىگى (KCNA) وقۋ- جاتتىعۋلاردى قاتاڭ سىناپ، ەكى كورەي ەلى اراسىنداعى قارىم- قاتىناستار جاقسارا تۇسكەن كەزدەگى ارانداتۋ جانە باسا- كوكتەپ كىرۋگە دايىندالۋ دەپ اتادى.
مۇنىڭ الدىندا عانا جاتتىعۋلارعا ا ق ش- تىڭ ۆ-52 ستراتەگيالىق بومبالاۋشى ۇشاعى قاتىسپايتىنى ايتىلعان. پحەنيان ا ق ش- تىڭ بومبالاۋشى ۇشاعىنىڭ كورەي تۇبەگىنىڭ اۋەسىندە پايدالانىلۋىنا بىرنەشە مارتە نارازىلىق بىلدىرگەن بولاتىن.
ەسكە سالا كەتەيىك، 27 - ساۋىردە وڭتۇستىك كورەيا مەن سولتۇستىك كورەيا باسشىلارىنىڭ جوعارى دەڭگەيدەگى كەزدەسۋىندە ەكى تاراپتىڭ ءبىر- بىرىنە باعىتتالعان بارشا قاستىق ارەكەتتەردى توقتاتۋدى كوزدەيتىن تاريحي دەكلاراتسياعا قول قويىلدى. سونداي- اق تاراپتار 15 - تامىزدا ازات ەتۋ كۇنىنە وراي 1950-53 -جىلدارداعى كورەيا سوعىسى كەزىندە اجىراپ كەتكەن وتباسىلاردى كەزدەستىرۋگە كەلىسكەن بولاتىن.
