ءبىز كاسىپكەردى شاقىرىپ الىپ، ارتىنان تاريفتەردى وزگەرتىپ جىبەرەمىز - ساعىنتايەۆ
بۇل تۋرالى ۇكىمەت وتىرىسىندا ق ر پرەمەر-ءمينيسترى باقىتجان ساعىنتايەۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.
«بەرىلگەن مالىمەتتەرگە قاراعاندا، اسىرەسە مىنا وڭىرلەر - شىعىس قازاقستان، قاراعاندى، اقتوبە وبلىستارى الدىڭعى قاتاردا كەلە جاتىر (م ج ءا جوبالارى بويىنشا - اۆت.). جاڭا ءتورت وبلىستىڭ باسشىلارى جۇمىستى بايانداعانىمەن، جۇمىستىڭ باياۋ ءجۇرىپ جاتقانى تۋرالى بىردە-ءبىر ءسوز ايتپادى. بۇعان نە سەبەپ بولدى؟ باسقا وڭىرلەرگە قاراعاندا، مۇمكىن كەدەرگىلەر بار شىعار. ءبىراق، ول جاعى ايتىلماي جاتىر. ياعني، ىنتا جوق. جۇمىستىڭ ءبارى بيۋجەتتەن قارجى الىپ، سونى يگەرۋگە بايلانىستى بولىپ وتىر. سول سەبەپتەن، ارىپتەستەر، جۇمىسى باياۋ ءجۇرىپ جاتقان وبلىستارداعى جۇمىستارىڭىزدى وسى سالادا قايتا قاراۋلارىڭىزدى سۇرايمىن»، - دەدى ۇكىمەت باسشىسى.
باقىتجان ساعىنتايەۆ ءتيىستى شەشىمدەردىڭ ءبارى قابىلدانىپ جاتقانىن تىلگە تيەك ەتتى.
«قازىر زاڭعا وزگەرىستەر ەنگىزۋ ماسەلەسى شەشىلۋدە. وسى جىلدىڭ جارتىجىلدىعىنا دەيىن پارلامەنتتىڭ قابىلداۋىمەن ونىڭ ءبارى زاڭ تۇرىندە شىعاتىن بولادى. ياعني، الداعى ۋاقىتتا دا كوپتەگەن ماسەلەلەردى شەشۋگە مۇمكىندىگىمىز بار. تاعى ءبىر ماسەلە - ەلباسىنىڭ بەس باستاماسىنىڭ ءبىرى بويىنشا جاتاقحانا سالۋ ماسەلەسى. جاتاقحانالار سالۋ ماسەلەسىنە قاتىستى جۇمىستىڭ ءبارىن نەگىزىنەن م ج ءا ارقىلى شەشۋ قاجەت»، - دەدى ۇكىمەت باسشىسى.
سونىمەن قاتار، ساعىنتايەۆ ءبىر ماسەلەگە نازار اۋدارۋعا شاقىردى.
«ءبىز كاسىپكەرلەردى جۇمىسقا تارتىپ، ارتىنان تاريفتەردى وزگەرتىپ جاتامىز. ياعني، بۇل ءبىر جىل جۇمىسىن باستاماي جاتىپ، ارى قاراي بانكروتتىققا يتەرمەلەيدى دەگەن ءسوز. جۇمىستىڭ نەگىزگى بولىگى - 52 پايىزى الەۋمەتتىك سالاعا قاتىستى بولىپ وتىر.. سوندىقتان ءبىزدىڭ قابىلدانىپ وتىرعان شەشىمدەرىمىز - اركەز كاسىپكەرلەرمەن، وڭىرلەرمەن اقىلداسا وتىرىپ، تۇراقتى جاعدايدا بولۋىن قاداعالاۋىمىز كەرەك»، - دەپ ءتۇيدى ب. ساعىنتايەۆ.
