پحەنيان: يادرولىق قارۋدان باس تارتۋدى تالقىلاۋعا دايىنبىز
بۇل تۋرالى Reuters اگەنتتىگى ا ق ش پرەزيدەنتى اكىمشىلىگىنىڭ اتى-ءجونىن اتاماعان وكىلىنە سىلتەمە جاساپ حابارلادى.
ونىڭ سوزىنشە، تاياۋدا وتكەن قۇپيا اڭگىمەدە سولتۇستىك كورەيا جاعى جوعارى دەڭگەيدە كەزدەسۋ وتكىزۋگە مۇددەلى ەكەنىن راستاعان.
ا ق ش سوڭعى ۋاقىتقا دەيىن سولتۇستىك كورەياعا قاتىستى جوسپارىندا نەگىزىنەن سەۋل بەرەتىن مالىمەتكە عانا سۇيەنەتىن. ا ق ش جانە سولتۇستىك كورەيا وكىلدەرى اڭگىمەسىنىڭ ءبىر بولىگى سولتۇستىك كورەيانىڭ ب ۇ ۇ- داعى ديپلوماتيالىق ميسسياسىندا، ءبىر بولىگى بارلاۋ قىزمەتى ورناتقان ارنالار ارقىلى جۇرگىزىلگەن.
ا ق ش سامميت مامىر ايىندا ءوتۋى مۇمكىن ەكەنىن جاريالاعان. سولتۇستىك كورەيا ازىرگە بۇعان قاتىستى رەسمي اقپارات تاراتپادى. كەزدەسۋدىڭ قاي جەردە وتەتىنى تۋرالى اقپارات تا ازىرگە بەلگىسىز.
سولتۇستىك كورەيا بۇعان دەيىن دە ەگەر ا ق ش وڭتۇستىك كورەيادان اسكەرىن اكەتىپ، وڭتۇستىك كورەيا مەن جاپونياعا يادرولىق قالقان بولۋىن دوعارسا ءوزىنىڭ يادرولىق قارۋ جانە زىمىران جاساۋ باعدارلامالارىنان باس تارتۋ جايىن قاراستىرۋعا دايىن ەكەنىن بىلدىرگەن.
«ازاتتىق»
