ايگىلى شەكسپيردىڭ «وتەللو» تراگەدياسى قازاق ساحناسىنا قايتا ورالدى - فوتو
پرەمەرا 11 -ءساۋىر كۇنى 19:00-دە « بەيبىتشىلىك جانە كەلىسىم سارايىندا» وتەدى.
«وتەللونى» العاش رەت قازاق ساحناسىنا 1939 - جىلى مۇحتار اۋەزوۆ اكەلگەن بولاتىن. كەيىنىرەك، م. اۋەزوۆ اتىنداعى قازاق مەملەكەتتىك اكادەميالىق تەاترى بۇل قويىلىمدى 1964 جانە 2014 -جىلدارى ساحنالاپ، رەپەرتۋاردان شىعارعان بولاتىن. بۇل جولى جاڭا «وتەللو» قازاقستاننىڭ حالىق ءارتيسى، پروفەسسور تالعات تەمەنوۆتىڭ رەجيسسەرلىگىمەن جارىققا شىقپاق.
تەاتردىڭ باسپا ءسوز قىزمەتىنىڭ حابارلاۋىنشا، «وتەللو» شىعارماسى استانا قالاسىنىڭ 20 جىلدىق مەرەيتويىنا ارنالىپ وتىر.
«وتەللو» - الەمدىك ادەبيەت گالەرەياسىنداعى كۇشتى قاھارماننىڭ ءبىرى. ول ناعىز ەر ازامات بولا تۇرىپ، ناقاق جالانىڭ قارۋى مەن قۇربانىنا اينالدى. «وتەللو» قازىرگى زامانمەن دە ۇندەسىپ جاتىر. سپەكتاكلدەگى نەگىزگى وي ادام ىشىندەگى قىزعانىشتىڭ، كوڭىل كۇدىگىنىڭ كەسىرىنەن اجىراسىپ تىناتىن جاس وتباسىلاردىڭ كوپتىگىن كورسەتەدى. جالپى قازاق تەاترى ونەرىنە شەكسپير قاجەت. ءوزىمىز بۇركەنىپ، ءوز قازانىمىزدا قايناۋعا ەشقانداي دا قۇقىعىمىز جوق. سەبەبى مۇنداي كلاسسيكالىق شىعارمالار اكترەلەردىڭ وسۋىنە، اشىلۋىنا ۇلكەن مۇمكىندىك بەرەدى»، - دەلىنگەن تەاتر حابارلاماسىندا.
قويىلىمعا قاللەكي تەاترىنىڭ ۇزدىك اكتەرلەرى مەن كاسىبي ماماندارى تارتىلعان. قازاق تەاتر ونەرىندە ەلۋباي ءومىرزاقوۆ، قاپان بادىروۆ، ايمانوۆتار كەسكىندەگەن وتەللو بەينەسىن جاڭا نۇسقادا قازاقستاننىڭ ەڭبەك سىڭىرگەن قايراتكەرلەرى قۋاندىق قىستىقبايەۆ پەن سىرىم قاشقابايەۆ سومداماق. ال سەناتوردىڭ قىزى دەزدەمونانىڭ رولىندە جاس اكتريسا اقمارال تانابايەۆا وينايدى.
