قىتايداعى ازيا ب ا ق- تارى ليدەرلەرىنىڭ سامميتىندە «قازاقپارات» ح ا ا باس ديرەكتورى ءسوز سويلەدى

 دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

«ب ا ق، اتاپ ايتقاندا، اقپارات اگەنتتىكتەرى بۇگىندە جاھاندانعان الەم جاعدايىندا اقپارات كوزى عانا ەمەس، قوعامدىق ديپلوماتيا قۇرالدارىنا دا اينالىپ وتىر. ب ا ق- تىڭ باستى مىندەتى - فوبيا تۋدىراتىن سەنىمدى اقپارات تاپشىلىعىن بارىنشا ازايتىپ، ءتۇرلى مادەنيەتتەردىڭ، وركەنيەتتەردىڭ جانە دامۋ مودەلدەرىنىڭ ءوزارا ديالوگ ورناتۋىنا كومەكتەسۋ»، - دەدى ول «ازيانىڭ بولاشاق بىرىككەن قوعامداستىعىن قۇرۋداعى ىنتىماقتاستىق پەن ب ا ق- تار اراسىنداعى بايلانىس» پانەلدىك سەسسياسىندا.

ا. ۋماروۆ قازاقستاننىڭ «نۇرلى جول» باعدارلاماسى مەن قىتايدىڭ «ءبىر بەلدەۋ، ءبىر جول» باعدارلاماسىنىڭ ساباقتاستىعى، ەكى ەل بۇقارالىق اقپارات قۇرالدارىنىڭ ءوزارا ىنتىماقتاستىعى جانە «قازاقپارات» ح ا ا قىزمەتى تۋرالى ايتىپ بەردى.

مەديا سامميت بارىسىندا ا. ۋماروۆ يران اقپارات اگەنتتىگى «ي ر ن ا»، قىرعىزستاننىڭ «كابار» اگەنتتىگى باسشىلىعىمەن، سونداي- اق قىتايداعى جانە باسقا ەلدەردەگى سەرىكتەستەرمەن كەزدەستى.

ەسكە سالا كەتەيىك، مەدياسامميت «ازياداعى ب ا ق- تار ىنتىماقتاستىعىنىڭ جاڭا ءداۋىرى - ساباقتاستىق پەن يننوۆاتسيالىق دامۋ» تاقىرىبىنا ارنالدى. ونى بواو ازيا فورۋمىنىڭ حاتشىلىعى، قىتاي تەلەراديو كورپوراتسياسى، قىتايدىڭ جاريالى ديپلوماتيالىق قاۋىمداستىعى ۇيىمداستىردى.

ءىس- شاراعا ازيا قۇرلىعىنداعى 40 تان استام مەملەكەتتىڭ 140 تان كوپ ب ا ق وكىلدەرى قاتىسىپ جاتىر. سامميت كەزىندە: «ازيانىڭ بولاشاق بىرىككەن قوعامداستىعىن قۇرۋداعى ىنتىماقتاستىق پەن ب ا ق- تار اراسىنداعى بايلانىس»، «ءبىر بەلدەۋ، ءبىر جول» قۇرىلىسى مەن حالىقارالىق كوممۋنيكاتسيالار ءۇشىن جاڭا مۇمكىندىكتەر»، «رەفورمالار مەن اشىقتىق ساياساتىنا 40 جىل: قىتايدىڭ دامۋى مەن جاھاندىق مۇمكىندىكتەرى»، «ازيا مادەنيەتىنىڭ قۇبىلۋى: الماسۋلار مەن ءوزارا تانىم» اتتى 4 پانەلدىك سەسسيا وتەدى.

جىل سايىنعى بواو ازيا فورۋمى (ب ا ف) 8-11 - ءساۋىر ارالىعىندا ق ح ر- دىڭ حاينان ارالىندا ءوتىپ جاتىر. وعان الەمنىڭ بارلىق ەلدەرىنەن كەلگەن ساياسي، ىسكەر جانە عىلىمي سالانىڭ 2 مىڭنان استام وكىلدەرى قاتىسۋدا.

 10 - ءساۋىر كۇنى ب ا ف-2018 رەسمي اشىلۋىنا ق ح ر ءتوراعاسى شي جينپيڭ قاتىسپاق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى