قازاقستاندا ءبىرقاتار ەلدىڭ اسكەريلەرى ءبىلىم الىپ جاتىر
«حالىقارالىق ىنتىماقتاستىققا توقتالساق، تاۋەلسىزدىك جىلدارىندا 12 ەلدە 5963 اسكەري قىزمەتشى ءبىلىم الىپ، ولار رەسەي، بەلارۋس، ا ق ش، ەۋروپا جانە ازيا ەلدەرىندە بىلىكتىلىك شىڭدادى. ۇلتتىق قورعانىس ۋنيۆەرسيتەتىنىڭ ماگيسترانتتارى مەن دوكتورانتتارىنىڭ شەتەلدە تاجىريبەدەن ءوتۋى ءوزىنىڭ تيىمدىلىگىن كورسەتتى»، - دەپ توقتالدى دەپۋتات.
ونىڭ سوزىنە قاراعاندا، ەلىمىزدە ارمەنيادان، تاجىكستاننان جانە قىرعىزستاننان كۋرسانتتار وقىپ جاتىر. بەلگىلى بولعانداي، ولار ۇلتتىق قورعانىس ۋنيۆەرسيتەتى، قۇرلىق اسكەرلەرىنىڭ اسكەري ينستيتۋتى، اۋە قورعانىسى كۇشتەرى اسكەري ينستيتۋتى، راديوەلەكترونيكا جانە بايلانىس اسكەري ينجەنەرلىك ينستيتۋتىندا ءبىلىم الۋدا.
بۇدان بولەك م. ەرمان الەمدىك تاجىريبەگە توقتالا كەلە، اسكەري ءىس- قيمىلدىڭ ءبىر ءتۇرى ەداۋىر دارەجەدە اقپاراتتىق سالاعا قاتىستى ەكەنىن اتاپ ءوتتى.
«سوندىقتان كيبەرسوعىس جاعدايىندا تاكتيكا مەن ءادىستى وزگەرتۋدىڭ ماڭىزدىلىعى ارتادى. وسىعان بايلانىستى، قازىرگى كەزدە اسكەري مامانداردى دايارلاۋدا عىلىمي- ادىستەمەلىك قامتاماسىز ەتۋ ماقساتىندا سيفرلاندىرۋدى ەنگىزىپ، ءبىلىم بەرۋ رەسۋرستارىن ەلەكتروندىق تۇرگە كوشىرۋ، ەلەكتروندى وقۋ ماتەريالدارىن ازىرلەۋ، تاكتيكالىق دايىندىق، اسكەري ءىس- قيمىلدى، تەحنيكالاردى باسقارۋدا سيفرلى ترەناجەرلاردى قولدانۋ قاجەت. ءبىرىنشى كەزەكتە وسى تەحنولوگيالاردى قولدانۋدى بىلەتىن وقىتۋشىلار مەن نۇسقاۋشىلاردى دايىنداۋ كەرەك»، - دەپ ناقتىلادى دەپۋتات.
اۆتور: رۋسلان عابباسوۆ
