جەرگىلىكتى تاۋاروندىرۋشىلەردى نازاردان تىس قالدىرماۋىمىز كەرەك - تيمۋر قۇلىبايەۆ
وبلىس اكىمى جانسەيىت تۇيمەبايەۆ پەن وڭىرلىك پالاتا باسشىلىعى جانە مەملەكەتتىك ورگاندار مەن بيزنەس وكىلدەرىنىڭ قاتىسۋىمەن وتكەن جيىندا پرەزيديۋمىنىڭ ءتوراعاسى «اتامەكەن» ۇ ك پ- نىڭ جۇمىسىنىڭ نەگىزگى ناتيجەلەرى تۋرالى ەگجەي- تەگجەيلى توقتالدى، دەپ حابارلايدى قازاقپارات ءتىلشىسى.
ماسەلەن، 2013-2017 -جىلدار اراسىندا بيزنەستى قورعاۋ سالاسىندا ۇ ك پ- نا 22 مىڭنان استام شاعىمدار كەلىپ تۇسكەن، ونىڭ 40 پايىزى بيزنەستىڭ پايداسىنا شەشىلگەن. ناتيجەسىندە 92 ميلليارد تەڭگەدەن اسا كاسىپكەرلەردىڭ مەنشىك قۇقىعى قورعالعان. مۇنان بولەك، تيمۋر قۇلىبايەۆ جاستاردى كاسىپكەرلىككە مەكتەپ جاسىنان بەيىمدەۋ قاجەت ەكەنىن ايتىپ، بۇگىندە ءبىلىم جانە عىلىم مينيسترلىگىمەن بىرلەسە جوعارى سىنىپ وقۋشىلارى ءۇشىن ارنايى ءپان ەنگىزىلەتىنىن ءمالىم ەتتى. بۇل دەموگرافيالىق ءوسىمى جوعارى وڭتۇستىك ءۇشىن وتە ءتيىمدى ەكەنىن جەتكىزدى. جيىندا سونىمەن قاتار ماقتارال مەن سارىاعاش اۋداندارىندا «اتامەكەننىڭ» كاسىپكەرلىكتى قولداۋ ورتالىقتارىن اشۋ كەرەكتىگى، وسى ورتالىقتار ارقىلى جۇرتتى بيزنەسكە ۇيرەتۋ جايى ءسوز بولدى. جيىندا سونىمەن قاتار وزبەكستان مەن وڭتۇستىك اراسىنداعى ساۋدا- ساتتىقتى دامىتۋ جايى تالقىلانىپ، بۇل رەتتە جەرگىلىكتى كاسىپكەرلەرگە قولداۋ جايى ايتىلدى.
«وزبەكستانمەن ساۋدا- ساتتىقتىڭ دامىپ، تاۋار اينالىم ارتقانى قۋانتادى، ارينە. ءبىراق بۇل جەردە ويلاناتىن ماسەلەلەر بار. اسىرەسە، جەرگىلىكتى تاۋاروندىرۋشىلەردىڭ جاعدايىن نازاردان تىس قالدىرماۋىمىز كەرەك. بۇگىن وبلىس اكىمى جانسەيىت تۇيمەبايەۆپەن وسى ماسەلە جايىندا سويلەسىپ، ارنايى جۇمىس توبىن قۇراتىن بولدىق. ايماقتىق دامۋ كارتاسىن قاراپ، كاسىپكەرلەرگە تاۋارلاردى ساقتاۋ مەن ساتۋ بويىنشا قانداي ۇسىنىستار ايتا الاتىنىمىزدى پىسىقتايمىز»، - دەدى ق ر «اتامەكەن» ۇلتتىق كاسىپكەرلەر پالاتاسى پرەزيديۋمىنىڭ ءتوراعاسى تيمۋر قۇلىبايەۆ.
بيزنەز وكىلدەرىمەن بولعان باسقوسۋدا وبلىس اكىمى جانسەيىت تۇيمەبايەۆ تالقىلاناتىن ماسەلەلەردىڭ وزەكتىلىگىنە توقتالىپ، كۇنگەي ءوڭىر ءۇشىن كاسىپكەرلەردىڭ ەكونوميكامىزعا قوسار ۇلەسى زور ەكەنىن ايتتى.
«پرەزيدەنتىمىز نۇرسۇلتان ءابىش ۇلى نازاربايەۆ ايماقتىق كاسىپكەرلىكتى دامىتۋ ماسەلەسىن ءاردايىم باستى نازاردا ۇستايدى. اكىمشىلىك كەدەرگىلەردى جويۋ، بيزنەستى جۇرگىزۋ بويىنشا پروتسەدۋرالاردى جەڭىلدەتۋ ەلباسىمىزدىڭ الەۋمەتتىك- ەكونوميكالىق باستامالارىن قولداۋدىڭ نەگىزگى قاعيدالارىنا جاتادى. بۇگىنگى تاڭدا وڭتۇستىك قازاقستان وبلىسىندا قولايلى بيزنەس كليمات قالىپتاستىرۋعا جانە شاعىن جانە ورتا كاسىپكەرلىكتى دامىتۋعا بارىنشا جاعدايلار جاسالىنعان. 2017 -جىلى ونەركاسىپ ءونىمىنىڭ كولەمى 858,4 ميلليارد تەڭگەگە جەتىپ، ءوسىم 102,1 پايىزدى قۇرادى. ال وندەۋ ونەركاسىبىنىڭ جىلدىق ءوسىمى 105 پايىزعا جەتتى. بۇل كورسەتكىشتەرگە وبلىسىمىز ەلباسىمىزدىڭ تىكەلەي تاپسىرماسى بويىنشا جاڭا وندىرىستەردىڭ اشىلۋى مەن جۇمىس جاساپ جاتقان كاسىپورىنداردى جاڭعىرتۋ ارقاسىندا قول جەتكىزىلدى. سونداي- اق وڭدەۋ ونەركاسىبىنىڭ نەگىزگى كاپيتالىنا 129,4 ميلليارد تەڭگە ينۆەستيتسيا سالىنعان، بۇل 2016 -جىلمەن سالىستىرعاندا 2,4 ەسەگە ءوسىپ وتىر. بۇل كورسەتكىش بويىنشا رەسپۋبليكادا 1 - ورىندامىز»، - دەدى جانسەيىت تۇيمەبايەۆ.
جالپى وبلىستا قولايلى بيزنەس كليمات قالىپتاستىرۋعا، شاعىن جانە ورتا كاسىپكەرلىكتى دامىتۋعا بارىنشا جاعدايلار جاسالۋدا. اتاپ ايتقاندا 2017 -جىلى «بيزنەستىڭ جول كارتاسى 2020» باعدارلاماسىمەن 499 جوباعا قولداۋ كورسەتىلسە، «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ 2017-2021 -جىلدارعا ارنالعان باعدارلاماسىنىڭ» ەكىنشى باعىتى اياسىندا 911 كاسىپكەرگە 4,1 ميلليارد تەڭگە كولەمىندە شاعىن نەسيە بەرىلدى. ال «باستاۋ بيزنەس» جوباسى بويىنشا 1500 ادام وقۋدان وتكەن، ونىڭ ىشىندە 300 ادام ءوز كاسىبىن باستادى. وڭىرلىك قارجى ينستيتۋتتارى بولىپ تابىلاتىن ايماقتىق ينۆەستيتسيالىق ورتالىق «وڭتۇستىك» جانە «ىرىس» م ق ۇ ارقىلى 2017 -جىلى 8,3 ميلليارد تەڭگەگە 2342 جوباعا قارجىلاي قولداۋ كورسەتىپ، ناتيجەسىندە 4618 جاڭا جۇمىس ورىندارى قۇرىلدى.
