قازاقستاندا سالىقتىق تەكسەرۋلەر سانى ازايدى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى ءمادي تاكيەۆ ايتتى، دەپ حابارلايدى قازاقپارات.
«2017 -جىلى باس پروكۋراتۋرامەن جانە «اتامەكەن» ۇلتتىق كاسىپكەرلەر پالاتاسىمەن تەكسەرۋ تۇرىندەگى بيزنەسكە جۇكتەمەنى بىرتىندەپ تومەندەتۋ جانە قىلمىستىق قۋدالاۋ وربيتاسىنا شىعارماۋ جونىندە باستالعان بىرلەسكەن جۇمىس بيىل دا جالعاسۋدا. وتكەن جىلى مەملەكەت باسشىسى سالىقتىق تەكسەرۋلەر سانىن 37,5 پايىزعا تومەندەتۋدى تاپسىرعان بولاتىن. ءبىز وتكەن جىلدىڭ قورىتىندىسىنا اتالعان كورسەتكىشتى 45 پايىزعا دەيىن نەمەسە تەكسەرۋلەر سانىن 76794 تەن 42018 گە دەيىن قىسقارتا الدىق» ، - دەدى ول.
ونىڭ ايتۋىنشا، 2018 -جىلدىڭ 1 - قاڭتارىنان جاڭا سالىق كودەكسىنىڭ ەنگىزىلۋىنە بايلانىستى قارسى تەكسەرۋلەر سانىنىڭ 25 پايىزعا تومەندەيتىندىگى كۇتىلۋدە.
«جاڭا سالىق كودەكسى اياسىندا جوسپاردان تىس تەكسەرۋلەردىڭ نەگىزدەمەلەرىن تاعايىنداۋ جايتتارى قارالدى. ەگەر بۇعان دەيىن 32 نەگىزدەمە بولسا، قازىر ولاردىڭ 12 ءسى عانا قالدى. زاڭدى تۇلعالاردىڭ جابىلۋى نەمەسە جەكە كاسىپكەرلەر قىزمەتىن توقتاتقان كەزدە اۋديتورلىق ۇيىمداردىڭ سالىعى بويىنشا ءاۋديتتى جۇزەگە اسىرۋ ءۇشىن شارتتار جاقسارتىلدى. جەكە پراكتيكامەن اينالىساتىن جەكە تۇلعالاردىڭ قىزمەتى سالىقتىق تەكسەرۋ جۇرگىزىلمەستەن توقتاتىلاتىن بولادى» ، - دەدى ءمادي تاكيەۆ.
