ۆلاديمير بوجكو اسكەري سالادا قىزداردىڭ سانىن ارتتىرۋدى ۇسىندى
«قارۋلى كۇشتەر سالاسىندا عىلىمنىڭ ءرولى ارتىپ كەلەدى. كوبىنەسە مەكتەپتەر مەن جوعارى وقۋ ورىندارىندا قىز بالالار التىن مەدالمەن ءتامامدايدى. مەنىڭ ويىمشا، وسى زياتكەرلىك قۇرامدى بۇل اسكەري سالاعا تارتۋعا تىرىسۋ كەرەك. رەسەيدە دەسانت قىزدار قۇرامى پايدا بولدى. بۇل وتە اۋىر ماماندىق. ارينە، بىزدە نازىك جاندارعا قاتىستى وزىندىك ەرەكشەلەنەتىن مورالدىق-ەتنيكالىق قاتىناستار بار، ياعني ءبىز قىزدارىمىزدى ۇنەمى قورعاپ كەلەمىز. دەگەنمەن دە بارشا الەمدەگى سەكىلدى بىزگە وسى باعىتتا العا ىلگەرىلەۋ كەرەك»، - دەدى ۆ. بوجكو اسكەري ءبىلىم بەرۋدى دامىتۋ تاقىرىبىنداعى ۇكىمەت ساعاتىندا.
ءوز كەزەگىندە، ق ر قورعانىس ءمينيسترى ساكەن جاسۇزاقوۆ بۇل تاقىرىپ بويىنشا ءتيىستى قادامدار ىسكە اسىرىلىپ جاتقانىن اتاپ ءوتتى. كەيبىر باعىتتاردا كوماندير لاۋازىمىنا ايەلدەردى ىرىكتەۋ تۋرالى بۇيرىق بەرىلگەن. بۇل تۇرعىدا نازىك جانداردىڭ جوعارى ءبىلىمى مەن 7-8 جىلدىق ەڭبەك ءوتىلى بولۋى ءتيىس.
«بىزدە بۇعان دەيىن وسىنداي تاجىريبە بولعان ەدى. تاربيە جۇمىسى بويىنشا كوماندير ورىنباسارى قىزمەتىنە ايەلدەردى تاعايىنداعان بولاتىنبىز. بۇل رەتتە، ءتيىستى ناتيجە دە بولدى، ياعني ساربازداردىڭ، وفيتسەرلەردىڭ، سەرجانتتاردىڭ تازالىعىنا، ۇقىپتىلىعىنا وڭ اسەر ەتتى. سوندىقتان وسى وڭتايلى تاجىريبەنى قازىرگى كەزدە قالپىنا كەلتىرگىمىز كەلەدى»، - دەدى مينيستر.
