تاجىك حالقىن قورعاعان قازاقستاندىقتار ماڭگى جادىمىزدا - دۋشانبەدەگى ەسكە الۋ شاراسى
بۇل جايىندا قازاقستاننىڭ تاجىكستانداعى ەلشىلىگىنىڭ وكىلدەرى ءمالىم ەتتى، دەپ حابارلايدى قازاقپارات.
ءىس-شاراعا تاجىكستان رەسپۋبليكاسى قارۋلى كۇشتەرى باس شتابىنىڭ باسشىلىعى، تاجىكستان ارداگەر- ينتەرناتسيوناليستەر وداعىنىڭ، تاجىكستاندا اككرەديتتەلگەن ەلشىلىكتەردىڭ اسكەري اتتاشە وكىلدەرى، تاجىكستاننىڭ شەكارا قىزمەتىنىڭ ارداگەرلەرى، جەرگىلىكتى ب ا ق، قازاقستاننىڭ تاجىكستانداعى ەلشىلىگىنىڭ قىزمەتكەرلەرى مەن ولاردىڭ وتباسى مۇشەلەرى قاتىستى.
قازاقستاننىڭ تاجىكستانداعى ەلشىسى نۇرلان سەيتىموۆ قازاقستاندىق جاۋىنگەرلەردىڭ ءوز ومىرلەرىن قيا وتىرىپ، اسكەري بورىشتارىن ابىرويمەن اتقارىپ، اسكەري انتتارىنا ادال بولىپ قالعاندارىن اتاپ ءوتتى. قۇربانداردى ەستە ساقتاپ وتىرعان تاجىك حالقىنا العىسىن ءبىلدىردى. قازاقستان ءوز باتىرلارىن ءاردايىم جوعارى دارىپتەيدى دەپ مالىمدەدى.
تاجىك تاراپىنان سويلەۋشىلەر قازا تاپقان قازاقستاندىق جاۋىنگەرلەر وزدەرى قورعاعان تاجىك حالقىنىڭ جادىندا ماڭگى ساقتالاتىنىن اتاپ كورسەتتى. سونداي- اق تاجىكستانداعى قيىن جىلدارى قولداۋ بىلدىرگەنى ءۇشىن قازاق حالقىنا جانە ونىڭ باسشىلىعىنا زور ريزاشىلىقتارىن جەتكىزدى.
اۆتور: مارلان جيەمباي
