بەلگىسىز بىرەۋلەر پاۆلودارداعى شىركەۋگە ءورت قويماق بولدى
«شامامەن تۇنگى 01-30 دار شاماسىندا بلاگوۆەشەنسك كافەدرالدى شىركەۋىنىڭ ءبىرىنشى قاباتىندا ەلەكتر جارىعى ءسونىپ قالىپ، قاراۋىل ەلەكتر جۇيەسىن جوندەۋشىلەردى شاقىرعان. ولار كەلگەن سوڭ بۇكىل شىركەۋدەگى جارىقتى سوندىرگەن. سوندىقتان شىركەۋدە جۇرگەندەردىڭ بارلىعى ۇيالى تەلەفوندارىنىڭ جارىعىن پايدالاندى»، - دەيدى شىركەۋ قىزمەتكەرى الەكسەي ستەپانوۆ.
ونىڭ سوزىنشە، شامامەن تۇنگى 01:00 دەر شاماسىندا قاراۋىل ايماقتى باقىلاپ شىققان. ول كەزدە ەشتەڭە بولماعان. ال تاڭ اتا بەلگىسىز بىرەۋدىڭ كىرەبەرىس ەسىكتىڭ استىنا قاعاز تىعىپ، ونى جاندىرماق بولعاندىعى بەلگىلى بولدى.
تەمىر ەسىك كۇيەدەن ءبىرماشا قارايعانىمەن، ەسىككە ايتارلىقتاي زيان كەلمەگەن. ونى كىم ىستەگەنى بەلگىسىز. تاڭ اتا جانە كەشكىسىن شىركەۋدىڭ بەينەباقىلاۋ جۇيەسى جۇمىس ىستەمەدى، ويتكەنى جارىق جوق بولعان.
«مەنىڭشە، ەكى فاكتى ءبىر-بىرىمەن بايلانىستى ەمەس. بۇل كەزدەيسوق جاعداي بولار دەگەن ويدامىن. پوليتسيا كەلىپ، حاتتاما تولتىردى. جارىق شىركەۋدە تاڭعى ساعات 9:00 دەرگە تامان پايدا بولدى. بۇنى كىم نە ءۇشىن ىستەگەن بەلگىسىز. شاماسى بىرەۋلەر ءبىز دايىندالىپ جاتقان مەرەكەنىڭ شىرقىن بۇزباق بولعان شىعار»، - دەيدى الەكسەي اكەي.
