ەربولات قۇدايبەرگەن: حالىققا ۇناۋ قيىنىراق بولىپ كەتتى

ءبىر قىزىعى، ءانشى شەتەلگە تانىلۋدىڭ ءبىر جولى ول ورىس تىلىندەگى اندەر دەپ بىلەدى. سول سەبەپتەن ورىسشا اندەردى توپىرلاتىپ جازىپ تاستاپتى. ءسويتىپ، الدىمەن رەسەي ەلىن بەتكە الماق.

بۇل تۋرالى 31-ارنا حابارلايدى.

«جالعىز رەسەيگە ەمەس، بۇكىل عالامعا ايگىلى بولساڭ ول قانداي باقىت دەگەن. بىزدە قازىرگى ەڭ ۇلكەن ءوڭىر - جانىمىزداعى دەرجاۆا رەسەي ەلى. كوپتەگەن ۇلتتار بار»، - دەيدى ءانشى ەربولات قۇدايبەرگەن.

ەربولات وسى جىلى شىعارماشىلىعىن مىقتاپ قولعا الۋدى شەشكەن. بىرنەشە جىل بۇرىن رەسەيدى جاۋلايمىن دەگەن حيت ءانشى قايرات نۇرتاستان تۇك شىقپادى. زاماناۋي رەپ، حيپ-حوپ جانە رەگگەتون ستيلدەرىن شەبەر ۇيلەستىرە بىلگەن ەربولات راسىمەن دە رەسەي حالقىنىڭ جۇرەگىن جاۋلاۋى ابدەن مۇمكىن. ءتىپتى، ول ءۇشىن ارنايى جوبا دا ويلاستىرىپ قويىپتى.

«بيزنەستى قولعا الىپ جاتىرمىز. تەك رەسەي عانا ەمەس، قىتاي ەلدەرىنە دە قىتايشا البومنىڭ باسى باستالدى. ەكى ترەگىمىز بار. كورشى ۇيعىر اۋداندارى بار. سيز-يان وكرۋگ سول جاقتا دا ۇيعىرشا دا ءوزىمىزدىڭ سينگلىمىز بار. وسى جاقتان جوبا اشىپ، ول جوبانىڭ جەتەكشىسى پاۆەل ۆايتكەيەۆيچ دەگەن پروديۋسەر بولادى. قولعا الىپ كەلە جاتىرمىز»، - دەيدى ءانشى.

ساحنادا كوپ كورىنبەي كەتكەنىن ەربولات حالىقتىڭ تالعامىن تۇسىنە الماي جۇرگەنىمەن تۇسىندىرەدى. بۇرىنعىعا قاراعاندا قازىر ءاندى جارىققا شىعارۋ قيىن بولىپ كەتكەنىن مويىندايدى.

«كوپ اقپارات اراسىنان اشىپ، 3-5 مينۋت انىڭمەن كورىنىپ، حالىققا ۇناۋ دەگەن قيىنىراق بولىپ كەتتى»، - دەيدى ءانشى ەربولات قۇدايبەرگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى