قازاقستاندىق بوكس پروموۋتەرلىك كومپانياسى مەن «قازاقپارات» ح ا ا مەموراندۋمعا قول قويدى
«Diamond Ring» قازاقستاندىق بوكس پروموۋتەرلىك كومپانياسى مەن «قازاقپارات» ح ا ا اراسىندا ىنتىماقتاستىق تۋرالى كەلىسىمگە قوس ۇيىمنىڭ باسشىلارى لاشىن ايماعامبەتوۆ پەن اسقار ۋماروۆ قول قويدى.
«Diamond Ring» كومپانياسىنىڭ اقپاراتتىق سەرىكتەسى اتانۋ ءبىز ءۇشىن ۇلكەن مارتەبە. باستامانى كوتەرگەن لاشىن ايماعامبەتوۆكە العىس بىلدىرگىم كەلەدى. بۇل پروموۋتەرلىك كومپانيا الەمدىك ارەنالاردا ءبىزدىڭ بوكسشىلارىمىزدىڭ سويىلىن سوعىپ كەلەدى. سونىمەن قاتار، ەلىمىزدەگى سپورتتى جان- جاقتى ناسيحاتتاپ، جاس ۇرپاقتى وتانسۇيگىشتىككە تاربيەلەۋدە. 20 جىل بۇرىن ءبىزدىڭ سپورتشىلار ا ق ش- تىڭ تانىمال رينگتەرىندە جۇلدىزداي جارقىراپ، ولاردىڭ شەتەلدە جانكۇيەرلەرى بولاتىنىن ويشا ەلەستەتۋ قيىن بولاتىن. ءبىز ءوز تاراپىمىزدان اقپاراتتىق قولداۋعا كۇش سالىپ، ەل سپورتشىلارىنىڭ جەتىستىكتەرىن ناسيحاتتاپ وتىراتىن بولامىز. بۇل - ۇلكەن سەرىكتەستىكتىڭ باستاۋى!»، - دەدى «قازاقپارات» ح ا ا باس ديرەكتورى اسقار ۋماروۆ.
«Diamond Ring» بوكس پروموۋتەرلىك كومپانياسى قازاقستاندا بەس جىلعا جۋىق ۋاقىتتان بەرى جۇمىس ىستەپ كەلەدى. كومپانيانىڭ اتىنان شىعىپ جۇرگەن ۇزدىكتەر قاتارىندا ەكىنشى جارتىلاي جەڭىل سالماقتا ونەر كورسەتەتىن بەكمان سويلىبايەۆ (12-0, 4 ك و) جانە ايدار شارىبايەۆ (7-0, 6 ك و) بار.
«ءبىزدىڭ ۇسىنىسىمىزعا قولداۋ بىلدىرگەن «قازاقپارات» ح ا ا- عا العىس ايتقىمىز كەلەدى. وسىنداي ۇلكەن قۇرمەتكە يە اقپاراتتىق الاڭ ارقىلى جاقسى سپورتتىق جاڭالىقتار تاراتۋعا ءبىزدىڭ كومپانيا بار كۇشىن سالادى. ونىڭ ءبىرى 12 - ساۋىردە ا ق ش- تا وتەتىن ايدار شارىبايەۆتىڭ جەكپە- جەگى. ونىڭ قارسىلاسى الەمدىك بوكس قاۋىمداستىعى سانكسيالاعان سپورتشى ەندريۋ كانچيو بولماق. كەزدەسۋدى ا ق ش- تىڭ ESPN ارناسى تىكەلەي ەفيردە كورسەتەدى»، - دەدى لاشىن ايماعامبەتوۆ.
