قازاقپارات اگەنتتىگىنىڭ باس ديرەكتورى «ەگەمەن اكادەمياسىندا» ءدارىس وقىدى

«ساپالى اقپارات ءوندىرىسى. ترەندتەر مەن مىندەتتەر» تاقىرىبىندا وتكەن دارىسكە ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا جانە ساياساتتانۋ فاكۋلتەتىنىڭ 40-قا جۋىق ستۋدەنتى قاتىستى. الەۋمەتتىك جەلى قولدانۋشىلارى دا ساباقتى ونلاين قاراۋعا مۇمكىندىك الدى، دەپ حابارلايدى قازاقپارات.

ءدارىس بارىسىندا اگەنتتىك باسشىسى، قازىرگى جۋرناليستيكانىڭ وزگەرىستەرىنە، اقپاراتتى ۇسىنۋ ەرەكشەلىكتەرىنە توقتالىپ، قوعامداعى تازا جۋرناليستيكانىڭ ماڭىزدىلىعىن اتاپ ءوتتى. بۇدان بولەك، اقپاراتتىق ترەندتەر، زاماناۋي تەحنولوگيالاردى پايدالانۋ، سونىمەن قاتار اقپارات عاسىرىنداعى الەۋمەتتىك جەلىمەن باسەكەگە ءتۇسىپ جاتقان جۋرناليستيكانىڭ مىندەتتەرى تۋرالى كەلەلى اڭگىمە ءوربىدى. سەنىمدى اقپاراتقا سۇرانىس، اقپاراتقا تاپشىلىقتى بولدىرماۋ سەكىلدى ماسەلەلەرگە تالداۋ جاسالدى. جۋرناليستىك ەتيكا تۋرالى دا اڭگىمە ايتىلدى.

«ۇتىمدى جاڭالىق جاريالاۋدا ەڭ الدىمەن «زيان تيگىزبە!» پرينتسيپى باسشىلىققا الىنۋى ءتيىس. ياعني، قاي زاماندا بولماسىن جۋرناليستىڭ نەگىزگى ۇستانىمى - قوعامعا زيان كەلتىرمەۋ بولۋى شارت. وسىنى ەستەن شىعارمايىق»، - دەدى اسقار ۋماروۆ.

ءدارىس سۇراق- جاۋاپ فورماتىندا ءوربىدى، ستۋدەنتتەر ءبىرقاتار ساۋال قويىپ، بەلسەندىلىك تانىتتى.

ەسكە سالا كەتەيىك، «ەگەمەن اكادەمياسى» - مەديا قىزمەتكەرلەرىنە جانە ستۋدەنتتەرگە ءوز ءبىلىمىن شىڭداۋعا، بىلىكتىلىگىن ارتتىرۋعا جانە زاماناۋي ترەندتەرمەن تانىسۋعا مۇمكىندىك بەرەتىن وقۋ الاڭى. جوبانىڭ ماقساتى - قازاقءتىلدى باسىلىم ماماندارىنىڭ ءبىلىمىن ارتتىرىپ، سالالىق جۋرناليستيكاعا بەيىمدەۋ، سونداي- اق وزەكتى تاقىرىپتار توڭىرەگىندە تالقىلاۋ الاڭىن كەڭەيتۋ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى