ءتورتىنشى مۇناي وڭدەۋ زاۋىتى ەكى وبلىستىڭ بىرەۋىندە سالىنادى

ق ر ەنەرگەتيكا ۆيتسە- ءمينيسترى ماعزۇم مىرزاعاليەۆتىڭ ايتۋىنشا، شەتەلدىك كومپانيا تەڭىز كەن ورنىنان تاۋىپ جاتقان تابىستىڭ ءبىر بولىگىن قازاقستان ەكونوميكاسىنا قايتا سالۋى ءتيىس. جىلدىڭ باسىندا ءتيىستى كەلىسىمگە دە قول قويىلعان بولاتىن.

«قازىرگى كەزدە ول كومپانيادا ءبىراز اقشا جينالدى. ونى ەل ەكونوميكاسىنا سالۋ قاجەت. ءبىز وسى ماسەلەنى ءالى تالقىلايتىن بولامىز. «شيەۆرون» كومپانياسى ءتورتىنشى مۇناي وڭدەۋ زاۋىتىنىڭ قۇرىلىسىنا اتسالىسۋى مۇمكىن. نەگىزى، اتالعان جوبا بويىنشا ناقتى اقپارات تەك جىلدىڭ سوڭىندا عانا بولادى. سەبەبى ءبىز ونى ءالى زەردەلەپ جاتىرمىز. تەحنيكالىق- ەكونوميكالىق ەسەپتەۋلەردى جاساپ، الدىن الا نەگىزدەمەنى ازىرلەۋىمىز كەرەك. سول كەزدە ناقتى بىرنەشە ماسەلەنى انىقتاۋ قاجەت. بىرىنشىدەن، زاۋىتتىڭ قۋاتتىلىعى قانداي بولادى؟ بۇگىندە ەسەپ- قيساپ بار. ءبىراق ونى تەحنيكالىق- ەكونوميكالىق نەگىزدەمەگە ەنگىزۋ كەرەك. ەكىنشىدەن، جاڭا زاۋىت قاي جەردە ورنالاسادى؟ شيكىزاتى كوپ باتىس وبلىسىندا ما؟ جوق، الدە تۇتىنۋشى كوپ وڭتۇستىك جاقتا ما؟ ۇشىنشىدەن، ءتورتىنشى مۇناي وڭدەۋ زاۋىتى ىشكى نارىققا، جوق، الدە ەكسپورتقا جۇمىس ىستەي مە؟ وسىنىڭ ءبارىن انىقتاۋىمىز قاجەت»، - دەدى م. مىرزاعاليەۆ ۇكىمەت ۇيىندە وتكەن باسپا ءسوز ءماسليحاتىندا.

ونىڭ ايتۋىنشا، اعىمداعى جىلدىڭ اياعىنا قاراي قازمۇنايگاز مەردىگەرلەردى انىقتاۋ شارالارىن بىتىرەدى. سول كەزدە جوبانىڭ جالپى قۇنى، قۋاتتىلىعى جانە تاعى باسقا ەرەكشەلىكتەرى بەلگىلى بولادى.

ايتا كەتەيىك، بۇگىن ماعزۇم مىرزاعاليەۆ قاشاعان كەن ورنىندا مۇناي ءوندىرۋ كولەمىن ازايتۋدىڭ سەبەبىن دە ءتۇسىندىردى.

فوتو:ok.ru

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى