تيماتيدى اۋزىنا قاراتقان قازاق قىزى رەسەيگە كوشەتىنىن مالىمدەدى

العاشقى ءبىر كۇننىڭ ىشىندە بويجەتكەننىڭ جەلىدەگى پاراقشاسىنا 10 مىڭنان اسا وقىرمان جازىلعان.

اياق استىنان «جۇلدىز» بوپ شىعا كەلگەن نازيما hommes.kz-كە سۇحبات بەردى.

نازيما جوباعا قاتىسقاننان كەيىن جەلىدە بەيتانىس جانداردان تولاسسىز حاتتار كەلگەن. ونەرپاز بۇل جەتىستىگىن «جارقىن بولاشاققا اپاراتىن ترامپلين» دەپ باعالاپ وتىر.

نازيما دوسىنىڭ كەڭەسى بويىنشا «پەسني» جوباسىنا قاتىسۋعا ءوتىنىش بىلدىرگەن. ال اراعا 12 ساعات سالىپ، بايقاۋعا تىركەلۋ جابىلىپ قالعان. ابىروي بولعاندا قىز ۇلگەرىپ، ماسكەۋگە ىرىكتەۋگە بارعان. نازيما ول شاقتا بيلەتكە اقشاسى بولماعانىن ايتادى.

«اپكەم گۇلجان كومەككە كەلدى. بيلەت پەن شىعىنىمدى وتەيتىن اقشا بەردى. ماعان جاساعان جاقسىلىعىن ەشقاشان ۇمىتپايمىن»، - دەيدى ءانشى.

رەسەي استاناسىندا وتكەن ىرىكتەۋ نازيما ءۇشىن وڭايعا سوقپاعان. سەبەبى بارىن كورسەتۋگە قاتىسۋشىلارعا نەبارى 1 مينۋتتان ۋاقىت بەرىلگەن. العاشقى كەزەڭنەن سۇرىنبەي وتكەن نازيما كوزىنە جاس الىپ، اناسىنا قوڭىراۋ شالعان.

«ماسكەۋدە جۇرتتىڭ بارىنە مەنىڭ قايدان كەلگەنىم قىزىق بولدى. «قازاقتار سونداي تالانتتى» دەگەن ءسوزدى كوپ رەت ەستىدىم. ارينە، مۇندايدا كەۋدەڭدى ماقتانىش سەزىمى كەرنەيدى»، - دەيدى نازيما.

ايتا كەتەيىك، ءانشىنىڭ اشىق-شاشىق كيىمى كوپشىلىكتىڭ نارازىلىعىن تۋعىزعان ەدى. الايدا نازيما سىرتقى كەلبەتىنە بايلانىستى ايتىلاتىن سىنعا ءمان بەرمەۋدى ۇيرەنگەن. ايتۋىنشا، بۇل بار بولعانى ساحنالىق وبراز، ال بويجەتكەن ءۇشىن ەڭ ماڭىزدىسى - جاقىندارىنىڭ قولداۋى.

رەسەيدە تانىلعان بويجەتكەن، كورشى ەلگە ءبىرجولا كوشۋگە دايىن ەكەنىن مالىمدەدى.

«پەسني» جوباسىندا قانداي ناتيجەگە قول جەتكىزەتىنىمدى بىلمەيمىن، ءبىراق رەسەيگە كوشەتىنىم انىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى