قازاقستانعا شەكارادان زاڭسىز مال اسىرماق بولعان ۇرىلار ۇستالدى

قىلمىستىڭ الدىن الۋعا ۇ ق ك اسكەري قارسى بارلاۋ ءبولىمىنىڭ، جامبىل وبلىسى ءى ءى د- ءنىڭ ۇيىمداسقان قىلمىسپەن كۇرەس باسقارماسىنىڭ جانە «ارلان» ارنايى بولىمشەسىنىڭ كۇشتەرى جۇمىلدىرىلعان.

ءمالىم بولعانداي، مەركى اۋدانىنىڭ كەيبىر تۇرعىندارى قىرعىزستان رەسپۋبليكاسىندا ۇرلانعان مالداردى قازاقستاندا ساتۋ ءۇشىن مەملەكەتتىك شەكارانى وتكىزۋ پۋنكتتەرىنەن تىس جەردەن زاڭسىز كەسىپ وتەتىندەرى انىقتالدى.

اعىمداعى جىلدىڭ 1- ساۋىرىندە تۇنگى ۋاقىتتا ۇيىمداستىرىلعان ءىس-شارانىڭ ناتيجەسىندە مەركى اۋدانىنىڭ تۇرعىندارى 13 باس ءىرى قارا مالىن شەكارادان كەدەرگىسىز وتكىزۋدى قامتاماسىز ەتۋى ءۇشىن شەكارا قىزمەتشىسىنە پارا بەرگەندەرى راسىمدەلدى.

پارا بەرۋشىلەردىڭ تاپسىرماسى بويىنشا قىرعىزستان اۋماعىنان مەملەكەتتىك شەكارانى زاڭسىز كەسىپ ءوتىپ، زاڭسىز جولمەن مال باسىن وتكىزگەندەرى ءۇشىن شەكارا بەكەتىنىڭ اۋماعىندا 4 قازاقستاندىق ازامات ۇستالدى.

سونىمەن قاتار، ءبىر مەزگىلدە پارا بەرۋشى ەكى ازامات ۇستالدى.

قازىرگى تاڭدا، اتالعان تۇلعالارعا قاتىستى «كەپىل» تۇرىندەگى بۇلتارتپاۋ شاراسى قولدانىلدى.

مەملەكەتتىك شەكارانى زاڭسىز كەسىپ ءوتۋ دەرەگى بويىنشا ماتەريالدار جەكە وندىرىسكە ءبولىنىپ، تەرگەۋ رەتتىلىگى بويىنشا جىبەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى