گولوۆكينگە قارسىلاس تابۋ قيىن بولادى - ن ۆ و شولۋشىسى

4 -ساۋىرگە اۋىسقان ءتۇنى مەكسيكالىق بوكسشى ساۋل «كانەلو» الۆارەستىڭ (49-1-2، 34 ك و) جەكپە-جەكتەرىن ۇيىمداستىراتىن Golden Boy Promotions كومپانياسى ارنايى باسپا ءسوز جيىنىن ۇيىمداستىردى.

وندا «كانەلونىڭ» ورتا سالماقتاعى WBA Super، WBC، IBF جانە IBO تۇجىرىمدارى بويىنشا الەم چەمپيونى گەننادي گولوۆكينمەن (37-0-1، 33 ك و) 5 -مامىر كۇنىنە لاس-ۆەگاستا جوسپارلانعان ەكىنشى كەزدەسۋدىڭ وتپەيتىنى بەلگىلى بولدى.

بۇل باسپا ءسوز جيىنىن سوڭ گولوۆكين دە ءوز پىكىرىن ايتىپ، قانداي جاعداي بولماسىن 5 -مامىردا شارشى الاڭعا شىعاتىنىن ايتتى. «گولوۆكين مەن الۆارەستىڭ قارسىلاسۋى قاتە بولمادى. بۇلار قازىرگى ۋاقىتتاعى بوكس الەمىندەگى ەڭ تانىمال ەسىمدەر. ولاردىڭ ەكىنشى جەكپە- جەگى بولمايتىن وكىنىشتى. GGG «كانەلوسىز» قيىن بولادى. ەندى وعان جاقسى ءبىر قارسىلاس تابۋ كەرەك. بۇل وڭاي شارۋا ەمەس. مەكسيكالىقتىڭ ورنىنا تەك بيللي دجو سوندەرس جارايدى، الايدا ۇلىبريتانيالىق بوكسشى قولىنىڭ جاراقاتىنا بايلانىستى شارشى الاڭعا شىعا المايدى»، - دەيدى سەليس.

قازىرگى ۋاقىتتا وتانداسىمىزبەن كەزدەسۋ وتكىزۋگە بىرنەشە بوكسشى دايىن ەكەنىن ايتتى. ولاردىڭ قاتارىندا امەريكالىق بوكسشىلار دجەرمالل چارلو، دەمەتريۋس اندرادە، ۋكراينالىق سەرگەي دەرەۆيانچەنكو، يرلانديالىق گەري و'سالليۆان، برازيليالىق ياماگۋچي فالكاو، ەكىنشى ورتا سالماقتاعى WBO چەمپيونى حيلبەرتو راميرەس جانە كىشى حۋليو سەزار چاۆەس بار. سونداي-اق «كانەلو» جەكپە-جەكتەن باس تارتقاننان سوڭ سوندەرس تە گولوۆكيندى جەكپە- جەككە شاقىردى.

ول قازاقستاندىق بوكسشىنى بارلىق بەلبەۋ ءۇشىن جەكپە-جەك وتكىزۋدى ۇسىندى. 17 جانە 20 -اقپان كۇندەرى الۆارەستىڭ مەكسيكادا تاپسىرعان دوپينگ-سىناماسىنان كلەنبۋتەرول دارۋمەنى تابىلدى. مەكسيكالىق بوكسشىنىڭ كومانداسى بۇل دارۋمەننىڭ بۇزىلعان ەت ارقىلى تۇسكەنىن ايتىپ اقتالۋدا.

ناۋرىز ايىندا الۆارەس جاتتىعۋ لاگەرىن سان-ديەگوعا (ا ق ش، كاليفورنيا شتاتى) اۋىسىتىپ، تاعى ءۇش دوپينگ سىناق تاپسىردى. ولاردىڭ بارلىعى تازا شىقتى. ءبىراق نەۆادا شتاتىنىڭ اتلەتتەر كوميسسياسى (NSAC) ۋاقىتشا ونى جەكپە-جەكتەردەن شەتتەتتى. الۆارەستىڭ ىسىنە بايلانىستى تىڭدالىپ ەندى 18 -ءساۋىر كۇنى وتەدى.

ەگەر بوكسشىنىڭ كىناسى انىقتالسا، ول ءبىر جىلعا دەيىن شەتتەتىلۋى مۇمكىن. 4 -ساۋىردە Golden Boy پروموۋتەرلىك كومپانياسىنىڭ پرەزيدەنتى ەريك گومەس الۆارەس پەن گولوۆكين اراسىنداعى ەكىنشى كەزدەسۋ ءبارىبىر دە 2018 -جىلى وتەتىنىنە ءۇمىتتى ەكەنىن ايتتى. گولوۆكين مەن الۆارەس اراسىنداعى ءبىرىنشى كەزدەسۋ 16-قىركۇيەك كۇنى لاس-ۆەگاستاعى T- Mobile سپورت كەشەنىندە ءوتىپ، تەڭ اياقتالعان بولاتىن. ءبىراق بۇل ناتيجەگە كوپتەگەن بوكس جانكۇيەرلەرى مەن ماماندارى قارسى بولعان ەدى.

Kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى