گولوۆكين مەن سوندەرستىڭ جەكپە-جەگى كۇزگە جوسپارلانعان - پروموۋتەر

ورتا سالماقتاعى الەم چەمپيونى گەنناديي گولوۆكين (37-0-1, 33 ك و) مەن بريتانيالىق بيللي دجو سوندەرس (26-0, 12 ك و) مامىر-ماۋسىم ارالىعىندا كەزدەسۋ وتكىزۋگە كەلىسە الماعانمەن، بۇل مامىلە وزەكتىلىگىن جويعان جوق. بريتانيالىق بوكسشىنىڭ پروموۋتەرى فرەنك ۋوررەننىڭ سوزىنە قاراعاندا، جەكپە-جەكتى كۇزدە ۇيىمداستىرۋ ءۇشىن كەلىسسوزدەر ءجۇرىپ جاتىر.

«مەن گولوۆكيننىڭ پروموۋتەرى توم لەففلەرمەن سويلەستىم، گولوۆكين- سوندەرس جەكپە-جەگىن كۇزدە وتكىزۋدى جوسپارلاپ جاتىرمىز. بيلل قولىنان جاراقات العان ەدى. ال گولوۆكيننىڭ كومانداسى جەكپە-جەكتى 5- مامىر كۇنى وتكىزۋدى جوسپارلاعان. بۇل جەكپە-جەكتى ماۋسىمدا وتكىزۋ دە مۇمكىن بولماي تۇر»، - دەيدى ول BoxingScene باسىلىمىنا بەرگەن سۇحباتىندا.

«ونىڭ ۇستىنە بيلل 23- ماۋسىمدا مارتين ماررەيمەن كەزدەسىپ، تيتۋلىن قورعايدى. جەڭگەن جاعدايدا، كۇزدە گولوۆكينمەن كەزدەسۋدە تيتۋلداردى بىرىكتىرۋ مۇمكىندىگى تۋادى. ول اۋقىمدى كەزدەسۋ بولاتىن ەدى، ءبىز ونى بريتانيادا قۋانا وتكىزەر ەدىك»، - دەيدى فرەنك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى