پرەزيدەنت استاناداعى بازارلاردى تارتىپكە كەلتىرۋدى تاپسىردى
«ۇيىمداستىرىلماعان ساۋدا بازارلارى. بىزدە سلايد بار. الماتىداعى باراحولكانى ءسۇرىپ تاستادى. سول سەكىلدى ماسكەۋدەگى چەركيزوۆسكي بازارى دا ءسۇرىلدى. ال ەندى قارا، سەندەردە نە بولىپ جاتقانىن... ال كەرەك دەسەڭىز ءدال قازىر جاپ-جاقسى بازار سالۋعا دايىن تىلەك بىلدىرۋشىلەر بار»، - دەدى مەملەكەت باسشىسى اسەت يسەكەشەۆكە بەي-بەرەكەت بازارلاردىڭ سۋرەتىن كورسەتە وتىرىپ.
ءماجىلىس بارىسىندا پرەزيدەنتكە اتالمىش بازار تىلەنديەۆ كوشەسىندەگى جەكە كاسىپكەرگە تيەسىلى ەكەنى جەتكىزىلدى. اكىمدىكتىڭ وكىلدەرى اتالعان كاسىپكەرگە وسى ولقىلىققا جول بەرگەنى ءۇشىن 75 ا ە ك مولشەرىندە ايىپپۇل سالىنعانىن حابارلادى.
«20 جىلدىققا دايىندىق وسى. مويىندى جۋماي بەتتى سۋلاي سالعانسىڭدار. بۇل تۇكپىرلەردىڭ ءبارى دە كۇردەلى. كورگەندەر: «قالاسىمەن ماقتانادى، نە بولىپ جاتقانىن قاراڭدار» دەمەي مە. ءبىز مىنە، ءبىر-ەكى ورىندى عانا كورىپ وتىرمىز، ال قالانىڭ باسقا بولىكتەرىندە مۇنداي كوپتەپ كەزدەسەدى. تارتىپكە كەلتىرىڭدەر»، - دەپ تاپسىردى نۇرسۇلتان نازاربايەۆ.
