ەلباسى: كەمەروۆوداعى قايعىلى وقيعادان قورىتىندى شىعارۋىمىز قاجەت
«كەمەروۆوداعى وقيعالاردان كەيىن ءبىزدىڭ بارلىعىمىزعا بارىنشا بايىپتى قورىتىندى شىعارۋ قاجەت. قازىر مەنىڭ تاپسىرماممەن بارلىعى تەكسەرىلىپ جاتىر. قىزىل اتەش شوقىمايىنشا بىزدە ەشتەڭە جاسالمايدى. بارلىق جەردە تەكسەرىس بولۋى قاجەت. قاراڭىزدارشى، ايدىڭ كۇننىڭ امانىندا قانشاما ادام كوز جۇمدى»، - دەدى ەلباسى.
وسى رەتتە، مەملەكەت باسشىسى ۇلكەن ساۋدا ورتالىقتارىنىڭ بالالارعا ارنالعان ويىن الاڭدارى تومەنگى قاباتتا بولۋى تيىستىگىن ەسكەرتتى.
«قازىر قاراپ وتىرسام، كاسىپكەرلەردىڭ بارلىعى وزدەرىندە ءبارى جاقسى ەكەندىگىن دالەلدەي باستاپتى. ءبىراق، ءىستى اسىرەسە بارلىق ساۋدا، ويىن ساۋىق ورتالىقتارىن تەكسەرۋمەن جابۋ قاجەت. وسى بالالار الاڭدارىن ەڭ جوعارى قاباتقا سالۋدىڭ قاجەتى قانشا؟ جوعارىدا ساۋدا-ساتتىق بولۋى ءتيىس قوي. الداعى ۋاقىتتاعى قۇرىلىس بارىسىندا ۇلكەن جوبالار ءۇشىن وسىنداي مىندەت جۇكتەۋ كەرەك»، - دەدى نۇرسۇلتان نازاربايەۆ.
اۆتور: مارلان جيەمباي
