نازاربايەۆ ەلوردانىڭ ءتارتىبى تۋرالى: استانا - تۇرعىندار ءۇشىن جايلى قالا بولۋى كەرەك
«قوعامدىق ءتارتىپ! وتكەن جىلى جەمقورلىق سيپاتتاعى قىلمىستىق ىستەردىڭ سانى 2 جارىم ەسەگە ۇلعايعان. قىلمىستىق جاۋاپقا 52 قىزمەتكەر تارتىلعان... ىشكى ىستەر دەپارتامەنتىنىڭ باستىعى قايدا؟»، - دەدى ءماجىلىس بارىسىندا پرەزيدەنت.
مەملەكەت باسشىسىنىڭ بۇل سوزىنەن كەيىن ورنىنان كوتەرىلگەن قالالىق ءى ءى د باستىعى مارات قوجايەۆ وكىنىشكە قاراي، ءتارتىپ ساقشىلارىنىڭ قاتارىندا مۇنداي جاعداي كەزدەسىپ جاتاتىنىن مويىندادى.
«ءوز قاتارىمىزدا وندايلاردى انىقتاۋدى ۇيرەندىك. پروكۋرورمەن، ۇ ق ك- مەن بىرگە جۇمىس اتقارامىز. جول ساقشىلارىنىڭ بارلىعىن ۆيدەو تىركەۋشىمەن قامتىدىق. سونىمەن قاتار، ءبىزدىڭ قىزمەتكەرلەر ءوز مىندەتىن اتقارعان كەزدە ەسكەرتپەلى جانە ەسكەرتپەسىز تەكسەرىستەردى جۇرگىزۋدەمىز. بۇل جۇمىستى جالعاستىرۋعا تىرىسامىز»، - دەدى مارات قوجايەۆ.
بۇدان كەيىن سويلەگەن نۇرسۇلتان نازاربايەۆ ۆەدومستۆو باسشىسىنا تاپسىرما جۇكتەدى.
«جارايدى. سىزدەر وتكەن جىلى ءى ءى م- مەن بىرگە «ەكسپو-2017» كورمەسى وتكەن كەزدە جاقسى جۇمىس جۇرگىزدىڭىزدەر. كورمە وتكەن ۋاقىتتا ايتارلىقتاي ەسكەرتۋ بولعان جوق. دەمەك، ءبىز جۇمىس ىستەي الامىز. مەن مينيسترگە دە ايتقان ەدىم: استانا تۇرعىندار ءۇشىن جايلى قالا بولۋى كەرەك. مينيسترلىك وسىندا. الەمدىك تاجىريبەنى ەسەپكە الا وتىرىپ، جاستاردى بۇل جۇمىسقا تارتىڭىزدار. ءتارتىپ ورنات!»، - دەپ تاپسىردى پرەزيدەنت.
