استانادا پوشتاشى اداسىپ كەتەتىن كوشەلەر بار - نازاربايەۆ
«استانانىڭ كوشەلەرى ادامداردى اداستىرادى. قاشانعى ايتۋعا بولادى. ءبىر جولدىڭ بىرنەشە اتاۋى بار. مىنە، قاراڭىز، مۇحامەدحانوۆ، سارايشىق، قوشقاربايەۆ كوشەسى. وسى ءۇش اتاۋدىڭ ءبارى ءبىر كوشەدە تۇر. ورىنبور، سىعاناق، قالداياقوۆ تا سول. ءبىر كوشەدە. كىم بۇنى ىستەگەن؟ پوشتاشى اداسىپ كەتەدى»، - دەپ سىنادى مەملەكەت باسشىسى ماجىلىستە.
سونىمەن قاتار، نۇرسۇلتان نازاربايەۆ كوشەلەرگە اتاۋ بەرۋ ماسەلەسىن رەتكە كەلتىرۋگە تاپسىردى.
«ادام جوق بولاتىن بولسا، كوشەلەردى نومىرمەن اتاۋ كەرەك. ماسەلەن، ۆاشينگتوندا كوشەلەردىڭ ءبارى نومىرمەن اتالادى. ەشكىم بۇدان قۇرىپ كەتكەن جوق»، - دەدى نازاربايەۆ.
