باتىس ەلدەرى: ماسكەۋ حيميالىق شابۋىلدى قورعاشتاپ وتىر
بۇل تۋرالى اتالعان ەلدەردىڭ سىرتقى ىستەر مينيسترلەرى مەن ا ق ش مەملەكەتتىك دەپارتامەنتىنىڭ بىرلەسكەن مالىمدەمەسىندە ايتىلادى.
سىرتقى ىستەر مينيسترلەرى مەن مەملەكەتتىك دەپارتامەنت رەسەيدى 2013-جىلى العان مىندەتتەمەسىن ورىندامادى دەپ ايىپتايدى. ماسكەۋ ول كەزدە داماسكىنى حيميالىق قارۋىن تولىق جويۋعا كوندىرۋگە ۋادە بەرگەن. بۇدان سوڭ ب ۇ ۇ قاۋىپسىزدىك كەڭەسىنىڭ ساراپشىلارى سيريادا ءتورت رەت حيميالىق قارۋ قولدانىلعانىنا ايعاقتار تاپقان. «رەسەي ۋادەسىن ورىنداۋدىڭ ورنىنا قاۋىپسىزدىك كەڭەسىنىڭ تەرگەۋىن جالعاستىرۋعا ۆەتو قويدى» دەلىنگەن مالىمدەمەدە.
2017-جىلى 4- ساۋىردە يدليب پروۆينتسياسىنىڭ حان-شەيحۋن قالاسىندا بولعان حيميالىق شابۋىلدان 80 نەن استام ادام قازا تاۋىپ، 550 دەن اسا ادام زارداپ شەككەن. كوتەرىلىسشىلەر شابۋىلعا سيريا ۇكىمەت اسكەرىن كىنالاعان.
باشار اساد رەجيمىن قولدايتىن رەسەي 4- ساۋىردە سيريا اۆياتسياسى قالانىڭ شىعىسىنداعى ۋلى زاتى بار سناريادتار ساقتالعان قويمانى بومبالاعانىن مالىمدەگەن. ماسكەۋدىڭ تۇجىرىمىنشا، اتالعان وق-دارىلەر يراك پەن سيرياداعى تەررورشىلارعا تاسىمالدانعان.
«ازاتتىق»
