جۇمىس بەرۋشى زەينەت جاسىنا جاقىنداعان قىزمەتكەردى مازالامايدى - جاڭا زاڭنىڭ تالابى
ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى نۇرجان التايەۆتىڭ ايتۋىنشا، بۇگىندە قىزمەتكەر زەينەت جاسىنا تولماسا دا جۇمىس بەرۋشى وعان زەينەتكە تولعاندا كەلىسىمشارتتى بۇزاتىنى تۋرالى ەسكەرتۋ حاتتارىن جىبەرىپ جاتادى.
«وسى ماسەلەگە قاتىستى داۋ-دامايلار ءجيى بولادى. سەبەبى جۇمىس بەرۋشى زەينەت جاسقا جاقىنداپ قالعان قىزمەتكەردى تۇرتكىلەپ، ۋاقىتتان بۇرىن مازاسىن الىپ جاتادى. بىزدىڭشە، ولاي بولعان دۇرىس ەمەس. ەتيكا جاعىنان دا ادامدى قايتا-قايتا مازالاپ وتىرعان ورىنسىز. قىزمەتكەر زەينەت جاسىنا كەلگەندە ەسكەرتۋ حاتتارىن جىبەرۋگە بولادى. وسىعان بايلانىستى ءتيىستى زاڭ جوباسىنا وزگەرىستەر ەنگىزىلىپ وتىر»، - دەدى ن. التايەۆ بۇگىن استانادا وتكەن باسپا ءسوز ءماسليحاتىندا.
ايتا كەتەيىك، «حالىقتى جۇمىسپەن قامتۋ جانە كوشى-قون ماسەلەلەرى بويىنشا كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى سەناتتىڭ تالقىلاۋىنان ءوتتى. اتالعان قۇجات پرەزيدەنتتىڭ قول قويۋىنا جىبەرىلدى.
