گولوۆكينگە سوندەرسپەن بوكستاسقان دۇرىس - ەرماحان ىبىرايىموۆ

«الۆارەسكە قارسى جەكپە-جەك بولماسا، وكىنۋدىڭ قاجەتى جوق. باسقا دا بوكسشىلار بار عوي. مەنىڭشە، سول باسقا بوكشىلارمەن كەلىسىپ، بوكستاسا بەرۋ كەرەك. ماسەلەن، بريتاندىق بيللي دجو سوندەرسپەن كەزدەسۋگە بولادى. سەبەبى ونىڭ ەنشىسىندە WBO بەلبەۋى بار. ودان كەيىن الۆارسپەن جۇدىرىقتاسۋ قاجەت»، - دەدى ە. ىبىرايىموۆ قازاقپارات تىلشىسىنە بەرگەن سۇحباتىندا.

ايتا كەتەيىك، Golden Boy Promotions پروموۋتەرلىك كومپانياسى قازاقستاندىق گەننادي گولوۆكينمەن (37-0-1, 33 ك و) ەكىنشى ايقاستىڭ وتپەيتىندىگىن رەسمي تۇردە جاريالادى.

گەننادي گولوۆكيننىڭ پروموۋتەرى توم لەففلەر بولسا، 5- مامىردا بريتاندىق بيللي دجو سوندەرسپەن (26-0, 12 ك و) جەكپە-جەكتى ۇيىمداستىرا المايتىنىن جەتكىزدى. سەبەبى اتالعان بوكسشى جاراقات الىپ قالدى. سوندەرستىڭ ءوزى دە مامىرعا دەيىن دايىن بولمايتىنىن جاريالادى. ول قىركۇيەك ايىندا كەزدەسۋگە ۇسىنىس جاساپ وتىر. دەننيەل دجەيكوبس تە بوس ەمەس.

ساراپشىلاردىڭ ايتۋىنشا، گولوۆكينمەن ءۇش ۇمىتكەردىڭ بىرەۋى جۇدىرىقتاسۋى ابدەن مۇمكىن. ولار - گەري و ساليۆان ( 27-2، 19 ك و)، دەمەتريۋس اندرادە (25-0، 16 ك و) جانە سەرگەي دەريەۆيانچەنكو (12-0، 10 ك و).

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى