استانادا الەمنىڭ تانىمال ترانسفۋزيولوگتارى جينالدى

وسى فورۋمعا وراي ەلباسى نۇرسۇلتان نازاربايەۆتىڭ قۇتتىقتاۋ حاتىن ق ر دەنساۋلىق ساقتاۋ ءمينيسترى ەلجان ءبىرتانوۆ وقىپ بەردى، دەپ حابارلايدى قازاقپارات.

«بۇل فورۋم قازىرگى زامانعى دەنساۋلىق ساقتاۋ سالاسىنىڭ ماڭىزدى اسپەكتىسىنە ارنالىپ وتىر. اتاپ ايتقاندا، قاننىڭ وتەۋسىز ەرىكتى دونورلىعى پروبلەماسىنا ايرىقشا نازار اۋدارعان ءجون. بۇگىندە ادام ءومىرىن قۇتقارۋمەن اينالىسىپ كەلە جاتقان الەمنىڭ ترانسفۋزيولوگتارى الدىندا وزدەرىنىڭ جۇمىستارىن جەتىلدىرۋ بويىنشا وزەكتى ماقساتتار تۇر. قازاقستان دەنساۋلىق ساقتاۋ جۇيەسىنىڭ جانە حالىققا مەديتسينالىق كومەكتىڭ ساپالى دامۋىنا ايرىقشا ءمان بەرىپ وتىر. جۇزەگە اسىرىلعان رەفورمالاردىڭ ارقاسىندا وتاندىق قان قىزمەتى ءوزىنىڭ دامۋىندا جاقسى ناتيجەلەرگە قول جەتكىزدى جانە ميديتسينانىڭ وسى سالاسىندا پوستكەڭەستىك كەڭەستىكتە كوشباسشىلاردىڭ بىرىنە اينالدى»، - دەپ اتاپ وتىلگەن مەملەكەت باسشىسىنىڭ سوزىندە.

وسى ورايدا قر پرەزيدەنت 3-ەۋرازيالىق كونگرەسى بارىسىندا جەمىستى پىكىر ءارى تاجىريبە الماسۋ بولاتىنىنا سەنىم ارتىپ، زاماناۋي ترانسفۋزيولوگياداعى پروبلەمالاردى شەشۋدە قادامدار جاسالۋى كەرەكتىگىن جەتكىزدى.

ءوز كەزەگىندە مينيستر ەلجان ءبىرتانوۆ بۇل فورۋم بارىسىندا بارىنشا وڭتايلى شەشىمدەردى پىسىقتاۋ قاجەتتىگىن ءسوز ەتتى.

«ءوزىنىڭ تاجىريبەلىك قىزمەتىندە ترانسفۋزيولوگيا پروبلەمالارىنا تاپ بولاتىن ماماندار از ەمەس. سوندىقتان مينيسترلىك اتىنان بۇل كونگرەستە ناتيجەلى پىكىرالماسۋلار بولادى دەپ ۇمىتتەنەمىن. بۇگىنگى جيىن بارىسىندا الەمنىڭ تانىمال ماماندارى وزدەرىنىڭ ويلارىمەن بولىسەدى. ايتا كەتەيىن، قازاقستاننىڭ ترانسفۋزيولوگياسى قيىن كەزەڭدەردى ەڭسەرىپ، بۇگىندە بۇل سالادا تابىستى تاجىريبەلەرگە قول جەتكىزدى»، - دەدى ءبىرتانوۆ.

ترانسفۋزيولوگتار كونگرەسى استانادا 4-7- ءساۋىر ارالىعىندا وتەدى. بۇل شاراعا قاتىسۋ ءۇشىن قازاقستانعا حالىقارالىق ۇيىمداردىڭ وكىلدەرى، ۇلى بريتانيا، يسپانيا، ا ق ش، گەرمانيا، جاپونيا جانە رەسەيدىڭ الدىڭعى قاتارلى ترانسفۋزيولوگتارى كەلدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى