تۇركيا مەكتەپتەرىندە جالپى تۇركى تاريحى وقىتىلماق
تۇركيا ۇلتتىق ءبىلىم مينيسترلىگى ورتا مەكتەپتىڭ سەگىزىنشى سىنىپتارىندا وقۋ باعدارلاماسىنا «جالپى تۇركى تاريحى» وقۋلىعىن ەنگىزەدى.
ساباقتى الداعى وقۋ جىلىندا ازەربايجان، قازاقستان، قىرعىزستان، تۇركيا، وزبەكستان جانە تۇركىمەنستان كىرەتىن تۇركىتىلدەس مەملەكەتتەر ىنتىماقتاستىعى كەڭەسىنە قاتىسۋشى ەلدەردەگى ورتا مەكتەپتەردە وقىتۋ جوسپارلانىپ وتىر.
ەسكە سالا كەتسەك، 2014-جىلى 22- قاراشادا ەسكيشەحير قالاسىندا تۇركى كەڭەسىنە قاتىسۋشى ەلدەردىڭ ءبىلىم مينيسترلەرى تۇركى حالىقتارىنىڭ تاريحى بويىنشا ءبىرىڭعاي وقۋلىق دايىنداۋ قاجەتتىگى جونىندە ۇيعارىمعا كەلگەن بولاتىن.
