لوندونداعى ناۋرىز تويىندا قازاقتىڭ جىر- تەرمەلەرى ورىندالادى

مەرەكەلىك شارا «Victoria Embankment Gardens» ساياباعىندا وتەدى. سىر ءوڭىرىنىڭ ونەر ۇجىمى تۇماندى البيون تورىندە ءتۇرلى جانرداعى مۋزىكالىق شىعارمالاردى تارتۋ ەتپەك. ونەرپازدار داۋلەتكەرەيدىڭ «كورۇعلى»، ىقىلاستىڭ «جەزكيىك» سەكىلدى كۇيلەرىن ەل نازارىنا ۇسىنادى. سونداي- اق ولار الەمدىك كلاسسيكالىق تۋىندىلاردى ورىنداپ، جەكە ونەرپازدار جىر- تەرمەلەر ۇسىنادى.

«انسامبل رەپەرتۋارىندا 100-دەن استام قازاق كۇيلەرى مەن زاماناۋي وڭدەلگەن مۋزىكالىق شىعارمالار بار. ونەر ۇجىمى 12 ادامنان تۇرادى. ولار حالىقارالىق، رەسپۋبليكالىق بايقاۋلار مەن فەستيۆالداردىڭ جەڭىمپازدارى. انسامبل 2009 -جىلى وبلىستىق فيلارمونيا جانىنان قۇرىلدى. سودان بەرى سىر بويىنىڭ ءتولتۋما ونەرىن، قازاق ۇلتتىق فولكلورىن ناسيحاتتاپ كەلەمىز. لوندون تورىندە ۇلتتىق ونەرىمىزدى جوعارى دەڭگەيدە كورسەتۋگە كۇش سالامىز»، دەيدى وبلىستىق فيلارمونيا ديرەكتورى تالعات ماقاشيەۆ.

ايتا كەتۋ كەرەك، كەيىنگى كەزەڭدە وبلىس باسشىلىعىنىڭ قولداۋىمەن انسامبل رەسەي، تۇركيا جانە وزبەكستان ەلدەرىندە گاسترولدىك ساپارمەن بولىپ قايتتى.

ادىلەت قاڭتارباي ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى