الماتىدا ميلليونەر- بيزنەسمەننىڭ قولىنا كىسەن سالىندى
تەلەارنانىڭ حابارلاۋىنشا، ۇستالعان بيزنەسمەندى بۇگىنگە دەيىن ەشكىم دە بىلمەگەن. ءتىپتى ءبىر باسىندا ونداعان ۆيللاسى بولسا دا، ونىڭ ەسىمى قازاقستاندىق بايلاردىڭ تىزىمىندە جوق. ويتكەنى، ەسبول جاپباسوۆ جۇرتتىڭ كوزىنە تۇسپەي، «كولەڭكەدە» جۇرگەن.
تەلەارنا جۋرناليستەرىنىڭ مالىمەتىنشە، جاپباسوۆتىڭ الماتىدا سالدىرىپ جاتقان قوس قاباتتى ءزاۋلىم ءۇيىنىڭ ءوزى جۇزدەگەن مىڭ دوللار تۇرادى ەكەن. ال جامبىل وبلىسىندا تۇرىپ جاتقان ءۇيى ءتىپتى كۇشتى. قوردايداعى قوس سارايى قاراعان ادامدى تاڭدايىن قاقتىرماي قويمايدى. ءىشى قىمبات جيھازعا تولى. ال بىشكەكتەگى ءۇش قاباتتى ءۇيى ءتىپتى حان سارايىنداي. حاۋىزى، مونشاسى ءبارى ىشىندە ەكەن.
ەسبول جاپباسوۆ تەك وزىنە عانا ەمەس، اسىل تۇقىمدى جىلقىلارىنا دەيىن ۇيگە بەرگىسىز قورا سالدىرىپ بەرگەن. اسا قىمبات 70 سايگۇلىگىنىڭ ءارقايسىسىنىڭ جەكە قوراسى بار. جانۋارلارعا ىشىندە بارلىق جاعداي جاسالعان. «اتقورانىڭ» قۇنى ميلليون دوللار دەپ حابارلايدى «ك ت ك» ارناسى.
تەلەارنانىڭ حابارلاۋىنشا، جاپباسوۆ وسى سايگۇلىكتەرىنە ءباس تىگىپ قانا بايىماعان ەكەن. قۇزىرلى ورگاندار ونىڭ قىرعىزدارعا جاسىرىن تۇردە مۇناي ونىمدەرىن تاسىعان دەپ وتىر.
ءارى جاپباسوۆ ءوزىنىڭ قۇرمەتىنە اتالعان «جاپباسوۆتار» قىلمىستىق توبىنا جەتەكشى بولعان. تەرگەۋشىلەردىڭ مالىمەتىنە سايكەس، ۇيىمداسقان توپ قازاق-قىرعىز شەكاراسىندا ۇزاق جىلداردان بەرى كونتاراباندامەن اينالىسقان ەكەن.
ارنايى قىزمەت انىقتاعانداي، قالتالى بيزنەسمەن «قاراسۋ» مەن «قورداي» باقىلاۋ پۋنكتەرىن ءوز قاراماعىنا الىپ، ءاربىر كىرىپ-شىققان جۇك كولىگىنەن اقشا الىپ وتىرعان. ەش كەدەرگىسىز وتكىسى كەلگەندەر «جاپباسوۆتارعا» كەمى 80 مىڭ تەڭگە بەرۋگە ءتيىس بولعان.
سونداي-اق، ارنانىڭ مالىمەتىنشە، ەسبول جاپباسوۆتىڭ «لەكسۋسىن» ءتىنتۋ بارىسىندا كولىكتەن «ت ت» تاپانشاسى تابىلدى. ال ۇيىنەن كالاشنيكوۆ اۆتوماتى مەن وق ءدارى تاركىلەندى. ودان باسقا ي ج-79 گازدى تاپانشاسىن وق دارىسىمەن تىعىپ ۇستاعان ەكەن.
سونىمەن قاتار جاپباسوۆتىڭ قىرعىزستانداعى قىلمىس الەمىنىڭ سەركەسى كامشىبەك كولبايەۆپەن جانە ەلىمىزدە قاماۋعا الىنعان قىرعىز دەپۋتاتى داميربەك اسىلبەك ۇلىمەن دە بايلانىستى دەگەن كۇدىك بار.
