دارىن مەملەكەتتىك جاستار سىيلىعىنا بايقاۋ جاريالاندى
«دارىن» مەملەكەتتىك جاستار سىيلىعى - عىلىم، شىعارماشىلىق، قوعامدىق قىزمەت سالالارىندا جەمىستى ەڭبەگىمەن كوزگە تۇسكەن، سونداي-اق جوعارى سپورتتىق جەتىستىكتەرى ءۇشىن دارىندى جاستاردى مەملەكەت تاراپىنان قولداۋ ماقساتىندا جىل سايىن ۇسىنىلادى.
بايقاۋ - ەسترادا، كلاسسيكالىق مۋزىكا، حالىق شىعارماشىلىعى، ادەبيەت، تەاتر جانە كينو، جۋرناليستيكا جانە قوعامدىق قىزمەت، سپورت، ديزاين جانە بەينەلەۋ ونەرى، عىلىم نوميناتسيالارى بويىنشا وتەدى.
حالىقارالىق جانە رەسپۋبليكالىق كونكۋرستاردىڭ، فەستيۆالدار مەن ءتۇرلى شارالاردىڭ لاۋرەاتتارى، رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى، سونداي-اق قىزمەتى يننوۆاتسيالىق بولىپ تابىلاتىن جانە ءتيىستى سالا مەن تۇتاستاي قوعامدى دامىتۋعا ىقپال ەتكەن قازاقستان رەسپۋبليكاسىنىڭ 29 جاسقا دەيىنگى ازاماتتارى سىيلىق الۋعا ۇمىتكەر بولا الادى. قۇجاتتار 2018 -جىلدىڭ 1 -تامىزىنا دەيىن قابىلدانادى.
«دارىن» جاستار سىيلىعىن الۋعا كانديداتۋرالاردى ۇسىنۋدى ورتالىق، جەرگىلىكتى جانە وزگە دە مەملەكەتتىك ورگاندار، قوعامدىق بىرلەستىكتەر مەن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلگەن وزگە دە زاڭدى تۇلعالاردىڭ وكىلدەرى جۇرگىزەدى.
بارلىق جەڭىمپازدارعا قازاقستان رەسپۋبليكاسى ۇكىمەتىنىڭ قاۋلىسىمەن «2017 -جىلعى دارىن مەملەكەتتىك جاستار سىيلىعىنىڭ لاۋرەاتى» اتاعى بەرىلەدى، جانە ولار ديپلوممەن، توسبەلگىلەرمەن جانە اقشالاي سىيلىقتارمەن ماراپاتتالادى.
تولىق اقپاراتتى ق ر ءدىن ىستەرى جانە ازاماتتىق قوعام مينيسترلىگىنىڭ رەسمي سايتىنان الۋعا بولادى.
ەستەرىڭىزگە سالا كەتەيىك، «دارىن» جاستار سىيلىعى مەملەكەت باسشىسىنىڭ باستاماسىمەن 1992 -جىلى تاعايىندالعان بولاتىن. ءار جىلدارى باقتيار ارتايەۆ، سەرىك ساپيەۆ، يليا يلين، دەنيس تەن، ديماش قۇدايبەرگەن، ماريا مۋدرياك، «مۋز ارت» توبى، قالقامان سارين جانە باسقادا ازاماتتار اتالعان سىيلىقتى يەلەنگەن بولاتىن. 2017 -جىلدان باستاپ قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگىنىڭ باستاماسى بويىنشا «دارىن» سىيلىعى جىل سايىن تابىستالۋدا.
