ساۋىردەگى ءساتتى كۇندەردى بىلە ءجۇرىڭىز
ول سيكلون، داۋىل سياقتى تابيعي قۇبىلىستار مۇمكىندىگىن ارتتىرماق. 5 - ساۋىردە اي مەن پلۋتون اسەرى كۇشەيەدى. بۇل كەزدە ادامداردا شارشاپ- شالدىعۋ، قۋات ازايۋى بايقالادى. بۋىن مەن سۇيەكتەر اۋىرىپ، نەسەپ- جىنىس جۇيەسىندە، تەرىدە، تىستە، قۇلاقتا قالىپسىزدىقتار بوي كوتەرۋى ىقتيمال. جاراقات الىپ قالۋدان ساقتانۋ كەرەك. دەنە شىنىقتىرعان، دەنساۋلىقتى نىعايتاتىن شارالار جاساعان ءتيىمدى.
6 -ءساۋىر - ايدىڭ شيرەگى. بۇل كەزدە اتموسفەرالىق قىسىم، تەمپەراتۋرا ءجيى قۇبىلادى. مۇندايدا ادامدا جاسى ۇلكەندەرمەن اڭگىمەلەسۋگە ىنتىعۋ، جالعىزدىقتى سەزىنىپ جابىرقاۋ، پارىز بەن جاۋاپكەرشىلىك سەزىم تەرەڭدەۋى مۇمكىن. تىرەك- قيمىل مۇشەلەرىندەگى، ءتىس پەن تەرىدەگى سوزىلمالى اۋرۋلار ۋشىعادى، سۋىقتاۋدان بولعان دەرت كۇشەيەدى. سوندىقتان سۋىق تيگىزىپ الۋدان، ومىرتقاعا ارتىق سالماق تۇسىرۋدەن ساقتانۋ كەرەك.
10 -ساۋىردە اي مەن نەپتۋن اسەرىنەن اتموسفەرالىق قىسىم مەن تەمپەراتۋرا قالىپسىزدىعى كۇتىلەدى. جاڭعالاقتىق، جۇيكەلەۋ، شيرىعۋ ورىن الادى. قان، جۇيكە جۇيەسى، اياق، بۋىن تامىرلارى، كوز- قۇلاق اۋرۋلارى بوي الۋى مۇمكىن. كۇيزەلىستىڭ زيانى كۇشەيەدى. اياققا، تىزەگە، كوزگە ارتىق سالماق تۇسۋىنەن، جاراقات الۋدان ساقتانىڭىز.
11 - ساۋىردە اي مەن يۋپيتەر اسەرى كۇشتى. نەۆرولوگيالىق، پسيحولوگيالىق اۋىتقۋلار، جۇقپالى اۋرۋلارعا، دومبىعىپ-ىسىنۋگە، باۋىر، تابان اۋرۋلارىنا بەيىمدىك بايقالادى. سوندىقتان اياققا كوپ سالماق تۇسىرمەۋ كەرەك. ءىسىنىپ- دومبىعۋعا بەيىمدىلىك بولسا، سۇيىقتىقتى كوپ ىشۋدەن تارتىنعان دۇرىس. ۇزاق ۋاقىت ءبىر ورنىندا تۇرعان نەمەسە جۇرگەن ادام اياعىن 20 مينۋت جوعارى ۇستاعانى پايدالى. تابانعا ماسساج، گيمناستيكا جاساعان ءجون.
12 - ساۋىردە اي مەن ۋران اسەرى سالدارىنان اتموسفەرالىق قىسىم مەن تەمپەراتۋرا قۇبىلادى. اشۋشاڭدىق، تىتىركەنگىشتىك، باس اۋرۋى، ۇيقىنىڭ قالىپسىزدىعى، اياق بۋىندارىنداعى اۋىرسىنۋ، كۇستەنۋدەن اۋىرسىنۋ سەزىلەدى. وعان جۇيكە جۇيەسىنىڭ شيرىعۋى سەبەپ. قۇلاۋدان، جاراقات الۋدان ساقتانۋ كەرەك. وي ەڭبەگىمەن، شىعارماشىلىقپەن اينالىسقان پايدالى.
14 - ساۋىردە اي جاڭارادى (تۋادى). بۇل كەزدە اشۋشاڭدىق، ىزاقورلىق، توزىمسىزدىك، ۇستامسىزدىق ورىن الادى. باستىڭ، كوزدىڭ، ءتىستىڭ، ەستۋ ورگاندارىنىڭ سوزىلمالى دەرتتەرى ۋشىعادى، ۇيقى ناشارلايدى. تەمەكىدەن، كوفە، شوكولادتان، مايلى، اۋىر تاعامنان، شيرىقتىراتىن سۋسىنداردان ابايلاۋ كەرەك. كوزگە ارتىق سالماق تۇسىرمەۋ كەرەك. ۇرىس- كەرىستەن، جاراقات الىپ قالۋدان، وتتان ساقتانعان ابزال.
16 - ساۋىردە اي، مەركۋري، شولپان اسەرىنەن مويىن، تاماق، ءتىس، قۇلاق، ەندوكريندىك جانە جۇيكە جۇيەلەرىنىڭ اۋرۋلارى قوزادى. بۋىندار اۋىرۋى، السىرەۋ، سويلەۋدىڭ قيىندىعى بايقالۋى مۇمكىن. سۋىقتاۋ، انگينا بوي الۋى، ساپاسىز تاعامعا رەاكسيا كۇشەيۋى ىقتيمال. سۋ پروسەدۋرالارىن قابىلداپ، ازىقتى ازداپ تۇتىنۋ كەرەك. ترانسپورتتا ساقتىق ەرەجەلەرىن ەستە ۇستاۋ كەرەك.
21 - ساۋىردە اتموسفەرالىق قىسىم مەن تەمپەراتۋرا اۋىتقۋى جيىلەيدى. ادام اشۋلى بولۋى مۇمكىن. جۇرەك، تامىر، ارقا، تەرى، راديكۋليت مازالاۋى ىقتيمال. ۇيقىسىزدىق تۋىنداۋى مۇمكىن. دەنە شىنىقتىرۋمەن اينالىسقان، تازا اۋادا جيىرەك جۇرگەن، ۋاقتىلى تىنىققان دۇرىس. اۋىر سالماق كوتەرمەۋ، كۇشتى ۇنەمدەۋ، وي ەڭبەگىمەن اعزانى شارشاتپاۋ كەرەك.
22 - ساۋىردە اي مەن مارس ارەكەتتەسۋىنەن جۇرەك، باس، ارقا، راديكۋليت اۋرۋلارى مازالاۋى، ۇيقىسىزدىق قيناۋى مۇمكىن. ۇزاق ساپارعا شىقپاڭىز، تىم كوپ سەرۋەن قۇرعان دا ارتىقتىق ەتەدى. كۇيزەلىستەن، ۇرىس- كەرىستەن، اۋىر سالماق كوتەرۋدەن ابايلاۋ كەرەك. جۇرەك- قان تامىرلارىنا سالماق تۇسىرمەۋ كەرەك. جاقىن ادامدارعا كوڭىل ءبولىڭىز. ولاردى ماقتاڭىز، قولداپ- قۋاتتاڭىز. بالالارعا، شىعارماشىلىققا ۋاقىت ءبولىڭىز، سەرۋەندەڭىز، دەنە جاتتىعۋلارىن جاساڭىز، قىدىرىڭىز.
25 - ساۋىردە اي مەن ساتۋرننىڭ ارەكەتتەسۋى شيرىعۋ، وزگەلەرمەن سوزگە كەلۋ، ۇقىپسىزدىق، تىم تالاپشىل، سىنشىلدىق، اقشانى ورىنسىز جۇمساۋ ورىن الۋى مۇمكىن. اسقازاننىڭ، بۇيرەكتىڭ، نەسەپ- جىنىس جۇيەسىنىڭ، باۋىردىڭ، تىرەك- قيمىل مۇشەلەرىنىڭ سوزىلمالى اۋرۋلارى ۋشىعۋى ىقتيمال. ديەتا ساقتاۋ، ءتاتتىنى، اشى، وتكىر ءدامدى، اۋىر تاماقتى جانە ىشىمدىك، كوفەنى كوپ ىشپەۋ كەرەك. ساپالى تاعامداردى تۇتىنعان ءجون. جاعداي ناشارلاسا، تەكسەرىلگەن دۇرىس. بۇل كەزدە جوسپار جاساپ، جاڭا ءىس باستاۋ، قولدان كەلمەس ىسكە ۋادە بەرۋ دە دۇرىس بولمايدى.
28 - ءساۋىر - اي جەر مەن مەركۋريمەن اسەرلەسەدى. ۇقىپسىزدىق، اشۋشاڭدىق، كۇمانشىلدىك، قورقىنىش سەزىمى بوي الۋى مۇمكىن. اسقازان، نەسەپ قابى، تىك ىشەكتىڭ سوزىلمالى دەرتتەرى ۋشىعۋى ىقتيمال. ءۇي شارۋاسىمەن، دەنە شىنىقتىرۋمەن، ينتەللەكتۋالدىق ەڭبەكپەن اينالىسقان پايدالى. ماڭىزدى ماسەلەلەردى كەيىنگە قالدىرا تۇرعان دۇرىس. 1، 3، 8، 18، 23، 30 -ءساۋىر كۇندەرى السىزدىك، قۋاتتىڭ كەمۋى بايقالۋى مۇمكىن. اعزاعا سالماقتى ازايتىڭىز، دەمالىسقا ۋاقىتتى كوبىرەك ءبولىڭىز.
zamana.kz
