قول جۇمساۋعا ماجبۇرلەمەڭدەر: مايعازيەۆ «تاڭعالدىرۋدىڭ» جەتەگىندە كەتكەن تانىمالدارعا سوڭعى ەسكەرتۋ جاسادى
Stan.kz تىلشىسىنە بەرگەن سۇحباتىندا، «مۋزارت» توبىنىڭ مۇشەسى بۇل سىننىڭ كىمدەرگە باعىتتالعانىن اشىپ ايتتى.
ءانشى اڭگىمەنىڭ ءالقيسساسىن اتىشۋلى «قالاۋلىم» جوباسىن باسقاراتىن جۋرناليست شاھكەرىم كارمەننەن باستادى.
«سولاردىڭ ءبىرى - شاھكەرىم. اسىلدىڭ سىنىعى، سونداي كەرەمەت ازامات جانىبەك كارمەنوۆتەي قازاقتىڭ تۇلعاسىنىڭ، قازاقتىڭ ونەر مايتالمانىنىڭ ۇلى سونداي تىرلىك جاساپ جۇرسە، قازاقتىڭ ءتىلىن ولاي ناسيحاتتاماي قويسىن. قىزعىزدار كورەدى، وزبەكتەر كورەدى دەيدى. ولاي مازاق قىلىپ كورمەي- اق قويسىن ءبىزدى. مەن سولاي ايتقان بولار ەدىم» ، - دەيدى ساكەن مايعازيەۆ.
سونداي- اق، ونەر يەسى بايان الاگوزوۆاعا انايى سۇراقتار قويىپ، تانىمال پروديۋسەردى تىعىراققا تىرەگەن امان تاسىعانعا دا وكپەسى قارا قازانداي ەكەنىن جەتكىزدى. ءتىپتى، جۋرناليستكە ارنايى قوڭىراۋ شالىپ، مۇنداي تاقىرىپتاعى سۇحباتتاردى توقتاتۋىن تالاپ ەتكەن.
«مەن بارلىعىنا قوڭىراۋ شالدىم. مەن تەك الەۋمەتتىك جەلى ارقىلى عانا ەمەس، تىكەلەي وزدەرىنە دە حابارلاسىپ ايتىپ ءجۇرمىن. نە دەگەن بەيباستىق، قويساڭدارشى، قىسقارتساڭدارشى دەپ. «سىزدەر تۇسىنبەيسىزدەر دەگەنگە سايادى. وندا تۇرعان نە بار؟ قازىرگى زاماننىڭ تالابى سول» - دەيدى. وندا زاماننىڭ تالابى سول بولسا، قۇل بولىپ كەتەيىك. ول دەگەن ساناسىزدىق. ونەردەگى جۇرگەن ارىپتەستەرىمە دە ايتقىم كەلەدى. ەرتەڭ ۇل وسىرەسىڭدەر، قىز وسىرەسىڭدەر. «وي، ساكەن اعا دا اقىلدى بولىپ...» دەمەڭىزدەر. كورىنگەن تاۋدىڭ الىستىعى جوق. ەرتەڭ نەمەرە كورەسىزدەر. سولاردىڭ بارلىعى سول ىستەگەن نارسەنى قايتالاپ جاتسا، بارلىق وبالى وزدەرىڭىزدەرگە تيەتىنىن ۇمىتپاڭىزدار» ، - دەيدى «مۋزارت» توبىنىڭ ءانشىسى.
مايعازيەۆتىڭ ايتۋىنشا، شاھكەرىم كارمەن جەتەكشىلىك ەتەتىن «قالاۋلىم» باعدارلاماسى مەن امان تاسىعاننىڭ «Talk likە» جوباسى قوعامنىڭ بۇزىلۋىنا زور اسەرىن تيگىزىپ جاتىر.
«باياعىدا توقتار سەرىكوۆ: «كەز- كەلگەن ادام ورامال تاعىپ تۇرعان قىزدان گورى، جارتىلاي جالاڭاش قىزعا كوزى جالت ەتە قالاتىنى زاڭدىلىق» - دەپ ايتىپ ەدى. ءناپسى دەگەن بولادى. ءبىزدى ازعىرىپ جاتىر دا. شايتانعا اسكەر بولساق، ءبىزدىڭ قۇردىمعا كەتكەنىمىز. مەن سۇتتەن اق، سۋدان تازا، پاكپىن دەپ تۇرعان جوقپىن. ءبىراق سونى سانالى تۇردە ءبىلىپ تۇرىپ، قازاقشا جامان ءسوز بار ەندى «سۋعا سىندىرۋ» نەمەسە «سۋعا ءبۇلدىرۋ» دەگەن. ءوز باسىم وسىنى بارىپ تۇرعان ۇلكەن ناداندىق دەپ ويلايمىن» ، - دەيدى مايعازيەۆ.
ساكەن مايعازيۆ بۇل سۇحباتى ارقىلى حايپتىڭ جەتەگىندە كەتكەن جىگىتتەرگە سوڭعى ەسكەرتۋىن جاسادى.
«باۋىرلارىما ايتقىم كەلەدى تاعى دا. ءبىز سياقتى نامىستى ازاماتتاردى، قول جۇمساۋعا دەيىن ماجبۇرلەمەڭىزدەرشى، ءوتىنىش. ءبىر كۇنى بولماسا، ءبىر كۇنى نامىستى ازاماتتار جارىلادى. جاقتارىڭىز سىنىپ، اياقتارىڭىز ءمايىپ بولىپ جۇرمەسىن. تاعى ەسكەرتەمىن. ارينە بارلىعى زاڭمەن قورعالعان. ءبىراق مەن بابامنىڭ ءارۋاعى ءۇشىن، اللانىڭ رازىلىعى ءۇشىن، مەن ونداي قادامعا بارۋعا دايىنمىن. اباي بولىڭدار جىگىتتەر! حايپ دەپ ءجۇرىپ، حايپقا قۇل بولىپ كەتىپ جۇرمەڭدەر» ، - دەيدى ساكەن.
