قازاقستان يرانعا سيىر ەتىن تاسىمالدايتىن بولدى
ق ر اۋىل شارۋاشىلىعى مينيسترلىگىنىڭ قوعاممەن بايلانىس دەپارتامەنتىنىڭ كەلتىرگەن مالىمەتىنە سايكەس، تەگەراندا (يران يسلام رەسپۋبليكاسى) ق ر اۋىل شارۋاشىلىعى مينيسترلىگىنىڭ ۆيتسە- ءمينيسترى گۇلميرا يسايەۆا باستاعان دەلەگاتسيا يران ۆەتەرينارلىق ۇيىمىمەن اۋىل شارۋاشىلىعى ونىمدەرىن جەتكىزۋ ماسەلەلەرى بويىنشا ەكىجاقتى كەزدەسۋى وتكىزگەن.
«وسى كەزدەسۋ ەكى ەلدىڭ ۆەتەرينارلىق ۇيىمدارىنىڭ الدىن الا جۇرگىزگەن جۇمىستارىنىڭ ناتيجەسى بولىپ تابىلادى. كەلىسسوز ناتيجەسى بويىنشا ەكسپورتتىڭ ۆەتەرينارلىق تالاپتارى كەلىسىلدى»، - دەلىنگەن حابارلامادا.
وسىلايشا، قازاقستاندا وندىرىلگەن تاۋىق جۇمىرتقاسى يرانعا تەك يران يسلام رەسپۋبليكاسىنىڭ تالاپتارىنا ساي بەلگىلەنگەن (ءار جۇمىرتقادا وندىرىلگەن كۇنى، ورالعان كۇنى، جارامدىلىق مەرزىمى، ءوندىرۋشى كورسەتىلەدى) كۇيدە جەتكىزىلەتىن بولادى.
«مالدى ارنايى بورداقىلاۋ ارقىلى الىنعان قازاقستاندىق مال ەتى حالىقارالىق تالاپتارعا سايكەس 5-6 كۇن بويى ساقتالادى. بۇل ءوز كەزەگىندە ەتتىڭ يران نارىعىندا سۇرانىسقا يە بولۋىنا مۇمكىندىك بەرەدى»، - دەپ حابارلايدى ۆەدومستۆودان.
ەكسپورتتىق تاسىمالدى وسى ايدا باستاۋ جوسپارلانىپ وتىر.
اۆتور: ايان بەكەن ۇلى
