الەمدىك جاڭا بۋىنداعى بوينگ ۇشاعى قازاقستانداعى العاشقى رەيسىن ورىندادى

قازاقستانعا SCAT اۋە كومپانياسىنىڭ «Боинг 737 МАХ 8»  ۇشاقتار سەرياسىنىڭ العاشقىسى كەلىپ قوندى. وسى سەرياداعى جالپى سانى 6 لاينەردى ساتىپ الۋ تۋرالى كەلىسىم وسى جىلدىڭ باسىندا قازاقستان پرەزيدەنتى نۇرسۇلتان نازاربايەۆتىڭ ا ق ش- قا رەسمي ءىس ساپارى كەزىندە قولجەتكىزىلگەن بولاتىن.

زاماناۋي لاينەردى سالتاناتتى قارسى الۋ ءراسىمى 2018 -جىلعى 31 - ناۋرىزىندا شىمكەنت حالىقارالىق اۋەجايىنداعى SCAT اۋە كومپانياسىنىڭ بازاسىندا ءوتتى.

2018 -جىلدىڭ 2 - ساۋىرىندە جاڭا «Боинг 737 МАХ 8»  ۇشاعى شىمكەنتتەن استاناعا العاشقى تۇراقتى رەيسىن ورىندادى. نۇرسۇلتان نازاربايەۆ حالىقارالىق اۋەجايىندا لاينەردى ۇكىمەت جانە ق ر ينۆەستيتسيالار جانە دامۋ مينيسترلىگىنىڭ وكىلدەرى، قازاقستان اۆياتسيا سالاسىنىڭ باسشىلىعى، ق ر پارلامەنت دەپۋتاتتارى جانە شەتەلدىك ەلشىلەر قارسى الدى.

«زاماناۋي اۋە كەمەگە قول جەتكىزۋ قازاقستاننىڭ اۆياتسيا سالاسى ءۇشىن ماڭىزدى وقيعا. ەلدىڭ اۆياتسيالىق پاركى بەلسەندى تۇردە جاڭارتىلىپ، زاماناۋي جانە تەحنولوگيالىق لاينەرلەرمەن تولىعۋ ۇستىندە. بۇل ەلىمىزدىڭ بۇگىنگى كۇنى اۆياتسيا سالاسىندا لايىقتى ورىن الاتىندىعىن جانە SCAT اۋە كومپانياسىنىڭ باسەكەگە قابىلەتتى اۋە تاسىمالداۋشىلاردىڭ ءبىرى بولىپ تابىلاتىنىن دالەلدەيدى» ، - دەدى ق ر ي د م  ازاماتتىق اۆياتسيا كوميتەتىنىڭ ءتوراعاسى تالعات لاستايەۆ.

جاڭا بورت ەۋروپا مەن ازيا اراسىنداعى قازاقستاننىڭ گەوگرافيالىق ورنالاسۋىنىڭ وڭتايلى جاعدايىن قولدانا وتىرىپ، ىشكى جانە ترانزيتتىك باعىتتاردى دامىتۋ ءۇشىن سكات اۋە كومپانياسىنىڭ ۇزاق مەرزىمدى ستراتەگياسىنا تولىق سايكەس كەلەدى.

 سونىمەن قاتار، اتالمىش اۋە كومپانيا شىمكەنت اۋەجايىن «وڭتۇستىك» حاب رەتىندە دامىتۋدى جوسپارلاپ وتىر. بۇل ءوڭىردىڭ اۋە كولىگى جانە كولىك سالاسىن عانا ەمەس، قازاقستاننىڭ ەكونوميكاسىن ودان ارى دامىتۋعا مۇمكىندىك بەرەدى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى