سەمەيدە سەڭ قوزعالىسى جۇك كەمەلەرىن زاقىمدادى
ەرتىستەگى مۇزدى جارۋ جۇمىستارىنان كەيىن الىپ مۇزدىقتار، اۋىر جۇك كەمەلەرىنىڭ ءبىر- بىرىنە سوقتىعىسۋىنا الىپ كەلگەن. وقيعا تيحوميروۆسكي ايلاعىندا بولدى. مۇندا وندىرىستىك فلوتقا ارنالعان ايلاق ورنالاسقان. ياعني، بۇل جەر جۇك كەمەلەرىنىڭ قىسقى تۇراعى. مۇز جارىلعاننان كەيىن جۇرە باستاعان سەڭ شاعىن جۇك كەمەلەرىن ءبىرىن- بىرىنە سوعىپ تاستاعان.
«مۇنى قازىر جاۋاپتى مەكەمە وكىلدەرى تەكسەرۋ كەرەك. ەگەر بارجا بەلگىلەنگەن ورىندا تۇرعان بولسا، بۇل ءبىر ماسەلە، ال ەگەر ول رۇقسات بەرەتىن قۇجاتسىز تۇرسا، بۇل مۇلدە باسقا ماسەلە بولماق. سوندىقتان تەكسەرۋ كەرەك» ، - دەدى ش ق و اكىمى دانيال احمەتوۆ.
ەسكە سالايىق، ەرتىستە مۇزدى جارۋ جۇمىستارى 28 - ناۋرىزدان باستاپ جۇرگىزىلۋدە. مۇز كەپتەلىسىنىڭ سالدارىنان وزەن ارناسىنان شىعىپ، تۇرعىن ۇيلەرگە قاۋىپ توندىرگەن بولاتىن.
بۇعان دەيىن مۇزدى جارۋ جۇمىستارى كەزىندە كوپ قاباتتى تۇرعىن ۇيلەردىڭ تەرەزەلەرى سىنىپ، ءبىر ادام جاراقاتتانعانىن حابارلاعان بولاتىنبىز.
اۆتور: شىنار عالىمبەك قىزى
