كورەرمەنگە «كۇلپاش كەلىن» بوپ تانىلعان بەرىك ومىرلىك ماحابباتىن قايدان تاپتى؟ - كەسكىن
قوس ءارتىس ەڭ العاش «شىمكەنت شوۋدىڭ» كاستينگىندە جولىعىپتى.
بەرىك - شىمكەنتتىڭ جىگىتى بولسا، جارى قارلىعاش - قىزىلوردانىڭ قىزى ەكەن.
«ءالى كۇنگە ازىلدەيمىن. قىزىلوردادان ءوزىڭ ىزدەپ كەلدىڭ دەپ. باسىندا ەكەۋمىز دوس بولىپ ارالاستىق. كەز-كەلگەن ادامنىڭ بويىنان ادالدىقتى، سەنىم ارتۋعا بولاتىن، اڭگىمەڭ جاراساتىن قاسيەتتەردى باعالايمىن.
و باستا تىك مىنەزدى بولاتىن. ءبىراق بۇل مىنەزىنەن ارتىستىگى قۇتقارىپ قالدى. كوبى «ءارتىس» دەپ كەشىرىممەن قارايتىن»، - دەدى «كۇلپاشتىڭ» كەلىنشەگى جايلى.
«ەشتەڭە جاسىرماي مايدا-شۇيدەگە دەيىن ايتا بەرەتىنبىز. ول ماعان ءسوز سالعان ساتتە، مەن كۇلدىم باسىندا. سوسىن كەزدەسۋدى باستادىق. بەرىك ءبارىن رومانتيكاعا اينالدىرىپ جۇرەتىن.
ءوزى سوزىنە بەرىك، ءبىر ءسوزدى. ءبىر ايتقان نارسەسىن ورىندايدى. سونىسىمەن ۇنادى. مەن ويىمدا نە بار سونى اشىق ايتا سالاتىنمىن. وسىنشا جىل ىشىندە بەكەڭ وزىنە قانداي كەلىنشەك كەرەك، سونى جاساپ الدى عوي»، - دەپ اعىنان جارىلدى جارى.
ايتا كەتەيىك، ونەر يەلەرى بۇگىندە ءۇش جىگىت(ۇل) تاربيەلەپ وتىر.
