ەرجان ەستانوۆ پەن جالعاس جۇماعۇلوۆتاردىڭ جەكپە-جەكتەرىنىڭ ۆيدەوسى جاريالاندى - ۆيدەو
قازاقستاندىق سپورتشى جالعاس جۇماعۇلوۆ رەسەيلىك Fight Nights Global پروموۋشەنىنىڭ اياسىندا وتكەن كەشتىڭ باستى جەكپە-جەگىندە امەريكالىق تايسون نەمدى تورەشىلەر شەشىمى بويىنشا ۇتقان ەدى. كەزدەسۋ 56,7 كەلىگە دەيىنگى كاتەگوريادا ءوتتى.
«بۇل اۋىر جەكپە-جەك بولدى. مەنىڭ قارسىلاسىم مىقتىلىعىن كورسەتتى. الايدا مەن ءوزىمدى كورسەتىپ، جەڭىسكە لايىق ەكەنىمدى دالەلدەدىم. مەن وسى جەڭىسىمدى حالقىما جەنە ەلىمە ارنايمىن. جاڭا بەلەستەردى باعىندىرۋعا ۇمتىلامىن»، - دەدى جۇماعۇلوۆ.
ونىڭ قارسىلاسى تورەشىلەر شەشىمىنە قارسىلىق بىلدىرۋدەن باس تارتىپ، تەك جۇماعۇلوۆتىڭ ءوزىن تاڭعالدىرماعانىن ايتتى. «مەن ءوز بىلەتىنىمدى كورسەتە المادىم دەپ ويلايمىن. الايدا جۇماعۇلوۆ مەنى تاڭعالدىرا المادى. ول جاقسى فايتەر، ءبىراق مەن ونى جەڭۋىم كەرەك ەدى. قالاي بولعاندا ماعان سىزدەردىڭ ارەناداعى اتموسفەرا ۇنادى. قوناقجايلىقتارىڭىز ءۇشىن العىسىم شەكسىز»، - دەدى نەم.
ايتا كەتەيىك، وسى كەشتە قازاقستاندىق ەرجان ەستانوۆ پەن راسۋل ميرزايەۆ وكتاگوندا ءۇشىنشى رەت كەزدەستى، بۇل جولى جەكپە- جەك «الماتى ارەنادا» ءوتتى، مۇندا رەسەيلىك Fight Nights Global پروموۋشەنىنىڭ اياسىندا جەكپە-جەك كەشى بولدى.
«نەگىزىندە مەن كوپشىلىك الدىندا جاقسى شوۋ كورسەتكىم كەلگەن جانە سونداي جوسپار دا بولدى. باپكەرىم وسى كەزدەسۋگە ءجىتى دايىندادى، كەڭەس بەرىپ، باعىت بەردى سول سەبەپتى بۇل تۋرالى مەنىڭ باپكەرىمنەن بىلگەنىڭىز دۇرىس بولادى. ەرجانعا العىس بىلدىرگىم كەلەدى، ول وتە جاقسى سپورتشى. مەن ونى ادام رەتىندە دوس رەتىندە دە قاتتى سىيلايمىن. سپورتتا ءبىز قارسىلاسپىز، ومىردە دوسپىز. تەك بۇگىن باق مەنىڭ جاعىمدا بولدى. ارى قاراي جىلجيمىز»، - دەدى ميرزايەۆ.
ەستانوۆ پەن ميرزايەۆ ەكى رەت جەكپە-جەككە شىققان: 2013 -جىلدىڭ ناۋرىزىندا «ۆەليكايا بيتۆا» اياسىنداعى كەزدەسۋدە قازاقستاندىق قازىلار القاسىنىڭ شەشىمىمەن جەڭىلىس تاپسا، 2014 -جىلدىڭ قاراشاسىندا «دالا جاۋىنگەرلەرى» تۋرنيرىندە رەسەيلىك ءوز قارسىلاسى ەكىنشى راۋندتان كەيىن كەزدەسۋدەن باس تارقان سوڭ جەڭىمپاز اتانعان.
وسى جولى دا ميرزايەۆ قازاقستاندىقتى قازىلار القاسىنىڭ شەشىمى بويىنشا جەڭدى. ال تاعى ءبىر قازاقستاندىق جالعاس جۇماعۇلوۆ امەريكالىق تايسون نەمدى جەڭدى. قازاقستاندىق قارسىلاسىن قازىلار القاسىنىڭ شەشىمى بويىنشا جەڭىپ وتىر. كەزدەسۋ 56,7 كەلىگە دەيىنگى كاتەگوريادا ءوتتى.
Kaz.tengrinews.kz
